प्रधानमंत्री सूर्यघर योजना ले अंजोर होगे घर-दुवार

बलरामपुर, केंद्र सरकार के प्रधानमंत्री सूर्यघर मुफ्त बिजली योजना आम मनखे मन के जीवन म बदलाव लावत हे। बलरामपुर जिला के राजपुर के रहवइया संजय कुमार सोनी पहिली हर महिना 2,000 ले 2,500 रूपिया तक बिजली बिल भरत रहिस, फेर अब वोखर घर के छत म 3 किलोवाट क्षमता के सोलर सिसटम लगे ले बिजली खरचा म भारी कमी आय हे। ओखर महिना के बिजली बिल अब एकदम कम हो गए हे। ए योजना के तहत ओ ल 1 लाख 8 हजार रूपिया के सब्सिडी के लाभ मिले हे, जेन डीबीटी के माध्यम ले सीधा वोखर बैंक खाता म जमा होही। श्री सोनी के कहना हे के सौर ऊर्जा अपनाए ले वोखर आर्थिक बचत होवत हे, संगेच पर्यावरण संरक्षण म घलोक होवत हे। मुख्यमंत्री श्री विष्णु देव साय के अगुवई म प्रदेश म ये योजना तेजी ले फैलत हे अऊ मनखे ऊर्जा आत्मनिर्भरता कोति आगू बढ़त हें। ये पहल सस्ता बिजली अऊ स्वच्छ ऊर्जा दुनों के चिन्‍हारी बनत हे।