- कार्यस्थल म फिजिकल डिस्टेंसिंग के कड़ाई ले पालन करे के हुकुम
- जिला स्तरीय कोर कमेटी के बैठक
जांजगीर-चांपा, 27 अप्रैल 2020। कलेक्टर श्री जनक प्रसाद पाठक म आज जिला कार्यालय म कोविड-19 के संक्रमण ले रोकथाम बर गठित जिला स्तरीय कोर कमेटी के बैठक लीन। उमन सबो निर्माण विभाग मन ल हुकुम देवत कहिन के लाकडाउन के समय छूट पाए सबो निर्माण काम जल्दी चालू करव। कार्यस्थल म मास्क लगाय अऊ फिजिकल डिस्टेंसिंग के कड़ाई ले पालन करे जाए। कलेक्टर ह निर्माण विभाग मन ल लंबित निविदा प्रक्रिया के कार्यवाही ल आगू बढ़ाए के हुकुम दीन। उमन कहिन के शिक्षा विभाग के हुकुम के मुताबिक चुने गए शासकीय इंग्लिश मीडियम स्कूल मन बर जरूरी तैयारी समय म पूरा करव। कलेक्टर ह कहिन के लाकडाउन म अकतहा छूट नइ देहे गए हे। अवइया आदेश तक पहिली जारी आदेश ही प्रभावशील रहिही। पुलिस अधीक्षक श्रीमती पारुल माथुर ह कानून व्यवस्था अऊ जिला पंचायत सीईओ श्री तीर्थराज अग्रवाल अउ एडीएम श्रीमती लीना कोसम ह राहत काम मन के संबंध म जानकारी दीन। संयुक्त कलेक्टर श्री सचिन भूतड़ा ह नियंत्रण कक्ष म मिले सूचना मन के आधार म होत कार्यवाही ले अवगत कराइन। बैठक म कोर कमेटी के सदस्य उपस्थित रहिन।
