छत्तीसगढ़ के स्टार्टअप ईको सिसटम ल देखे जल्दीच आही ऑस्ट्रिया के दल

छत्तीसगढ़ के प्रतिनिधिमंडल ऑस्ट्रिया के दौरा म
रायपुर, छत्तीसगढ़ म स्टार्टअप्स ईको सिसटम ल मजबूत बनाए बर छत्तीसगढ़ के प्रतिनिधिमंडल ऑस्ट्रिया के दौरा म हे। ये प्रतिनिधिमंडल एडवांटेज ऑस्ट्रिया कार्यक्रम के तहत ऑस्ट्रिया के उद्यमी अऊ उहां के उद्योग व्यवसाय ले जुड़े संस्था मन ले चर्चा करके छत्तीसगढ़ म स्टार्टअप के क्षेत्र म होत नवाचार अऊ स्टार्टअप ईको सिसटम के बारे म जानकारी देके उंखर से विचार-विमर्श करत हें। प्रतिनिधिमंडल ह ऑस्ट्रिया के विएना, ग्राज़, लिंज़, इन्सब्रुक शहर के भ्रमण करिन अऊ ऑस्ट्रिया के प्रवासी भारतीय संग ही नवाचार, स्टार्टअप, निवेश अऊ व्यवसाय म कार्यरत बहुत अकन संस्था मन ह बैठक म हिस्सा लेके अपन विचार के आदान-प्रदान करिन। अपन भ्रमण के समय प्रतिनिधिमंडल ह जम्‍मो ऑस्ट्रिया के अधिकारी अऊ स्टार्टअप्स संचालित करइया उद्यमी, निवेशक मन ल छत्तीसगढ़ के स्टार्टअप ईको सिसटम ल देखे बर आमंत्रित करिन।