स्टार्टअप्स ले मिलय जादा ले जादा रोजगार – श्री रमेन डेका

रायपुर, 18 सितंबर 2024। राज्यपाल श्री रमेन डेका ह स्‍वामी विवेकानंद तकनीकी विश्वविद्यालय दुर्ग अंतर्गत गठित ग्रामीण प्रौद्योगिक अऊ उद्यमिता फाउंडेशन के तहत चालू करे गए स्टार्टअप्स के प्रस्तुतीकरण देखिन। उमन सबो स्टार्टअप्स ल सहरावत एला आम मनखे बर सरल अउ सुलभ बनाए उपर बल दीन।
राज्यपाल श्री डेका ह सबो उद्यमी मन के प्रस्तुत कई ठन योजना मन ल प्रोत्साहित करे गीस अऊ उमन कहिन के स्टार्टअप्स के माध्यम ले जादा ले जादा युवा मन ल  रोजगार ले जोड़े जा सकय अइसन योजना बनाना चाही। ए संबंध म उमन उद्यमी मन के मार्गदर्शन करिन अऊ उपयोगी सुझाव दीन।
राजभवन के कांफ्रेंस हॉल म आज उद्यमी मन ह 6 स्टार्टअप्स योजना मन के प्रस्तुतीकरण दीन। सुश्री विनिता पटेल ह ग्रामीण महिला मन विशेषकर आदिवासी समुदाय के महिला मन ल ध्यान म रखत फेर से उपयोग म आ सके वाले सेनेटरी पैड निर्माण के योजना बताईन। करण चंद्राकर ह केला पौधा के अपशिष्ट ले कपड़ा, कप-प्लेट, ईट आदि उत्पादन के योजना बताईन। श्री राहुल बघेल ह सौर ऊर्जा के उपयोग ले आत्मनिर्भर गांव अउ कई ठन कुटीर उद्योग उपर प्रस्तुतीकरण दीन। उद्यमी रविन्द्रकुमार धुरंधर ह कुपोषण ले पीड़ित मनखे मन बर इंस्टेट फूड उत्पाद के योजना उपर अपन प्रस्तुतीकरण दीस। अंकेश बंजारे ह आदिवासी कलाकार मन ल डिजिटल प्लेटफॉर्म अऊ वैश्विक बाजार उपलब कराए के योजना बताईस अउ पुरूषोतम, अजय कुमार, सिद्धार्थ सिंह ह जादा क्षमता वाले ड्रोन के माध्यम ले कृषि फसल के निगरानी के योजना के संबंध म प्रस्तुतीकरण दीस।
ए  बेरा म प्रदेश अध्यक्ष सहकार भारती (छ.ग.) डॉ. लक्ष्मीकांत द्विवेदी  ग्रामीण प्रौद्योगिकी अऊ उद्यमिता फाउंडेशन के संचालक डॉ. आर. एन. पटेल, सीईओ श्री अग्रांशु द्विवेदी अउ उद्यमी उपस्थित रहिन।