रायपुर, छत्तीसगढ़ के राजधानी रायपुर के साइंस कॉलेज मैदान एक पईत फेर राष्ट्रीय आदिवासी नृत्य महोत्सव अऊ राज्योत्सव बर तियार होवत हे। 01 ले 03 नवंबर तक आयोजित होवईया राष्ट्रीय आदिवासी नृत्य महोत्सव अऊ राज्योत्सव बर तैयारी अपन आखरी चरण म हे। इहां मुख्य मंच म राज्योत्सव अऊ राष्ट्रीय आदिवासी नृत्य महोत्सव के कार्यक्रम होही। उहें साइंस कॉलेज मैदान म कई ठन शासकीय विभाग मन के स्टॉल अऊ व्यावसायिक स्टॉल लगही त दुसर कोति फूड जोन घलोक बनाय जात हे। स्टॉल निर्माण के तैयारी जोरदार चलत हे। एखर संगेच छत्तीसगढ़ म आयोजित राष्ट्रीय आदिवासी नृत्य महोत्सव म भाग लेवइया देश-विदेश ले कलाकार पहुंचे लगे हें।
1ले 3 नवम्बर तक होही राष्ट्रीय आदिवासी नृत्य महोत्सव अऊ राज्योत्सव
