राज्य पोषित डेयरी विकास योजना ले गउठान के सदस्य मन ल होवत हे लाभ

डेयरी उद्यमिता विकास योजना ले समूह के सदस्य मन ल हर महीना मिलत हे 1 लाख 80 हजार के आमदनी
बनेच दूध ह इस्थानीय बजार, घर अउ तीर तखार के हाट बजार म एक लीटर 50 रूपिया के दर ले बेचा जाथे
जशपुरनगर, नेहा राठौर के खबर/ पशुधन विभाग कोती के जिला म स्व-सहायता समूह अउ हितग्राही मन ल छत्तीसगढ़ शासन के कई ठ योजना ले जोड़ के आर्थिक रूप ले सक्षम बनाए जाथ हे।शासन के योजना अंतर्गत निर्मित गउठान फरसाबहार के स्व सहायता समूह के सदस्य मन ल वर्ष 2022-23 राज्य पोषित डेयरी उद्यमिता विकास योजना के अंतर्गत एक इकाई (2 नग गाय) पशुधन विकास विभाग कोती ले दिए गए हे।पहिली समूह के सदस्य मन करा आय ले कोनो साधन नई रहीस हे, बर्तमान म हरेक समूह करा 2-6 गाय हवय, जेकर से हर महीना 3600 लीटर दूध मिलथे। जेकर ले हितग्राही मन ल 1 लाख 80 हजार हर महीना के आमदनी होवत हे। डेयरी लगे के बाद म समूह के सदस्य मन ल रोजगार के संग संग अबड़ सरलता ले गाय के दूध मिलत हे।
पशुधन विभाग कोती ले समय-समय म जाके कृत्रिम गर्भाधान, उपचार अउ मार्गदर्शन दिए जाथे।जेकर से सदस्य मन ल पशु के उपचार अउ पालन पोषण करे म कोनो प्रकार के परसानी नई होवय। एकर ब ओमन ह मुख्यमंत्री श्री भूपेश बघेल ल धन्यवाद दिस हे।