राज्य शौर्य पुरस्कार बर नामांकन प्रस्ताव आमंत्रित

बेमेतरा, राज्य शौर्य पुरस्कार बर नामांकन प्रस्ताव आमंत्रित करे गए हे। अइसन वीर बालक-बालिका जेमन अपन जान के परवाह करे बिना अद्भुत वीरता के परिचय देवत काम करे होवय। ओ मन 3 जनवरी 2022 तक जिला कार्यक्रम अधिकारी महिला अउ बाल विकास विभाग म नामांकन जमा कर सकत हें। एखर बर निरधारित मापदंड के अनुसार अइसन बालक-बालिका जेमन 01 जनवरी 2021 ले 31 दिसम्बर 2021 के बीच दूसर के जान बचाय बर वीरता के काम करे होवय। ओ मन आवेदन जमा कर सकत हें, एखर बर जरूरी प्रमाण पत्र जइसे जिला कलेक्टर कोति ले अनुशंसा पत्र, एफ.आई.आर. के प्रति या पुलिस डायरी, समाचार पत्र के कतरन, बालक-बालिका के पासपोर्ट साईज के अभी हाल रंगीन फोटो, सक्षम अधिकारी कोति ले प्रमाणित 4 अकतहा पासपोर्ट साईज के फोटो, घटना के विस्तृत विवरण, सक्षम अधिकारी कोति ले सत्यापित प्रति के संग आवेदन प्रस्तुत करना होही।
पुरस्कृत बालक-बालिका ल मेडल, प्रशस्ति पत्र, नगद राशि 15 हजार रूपिया अउ प्रतिवर्ष छात्रवृत्ति, छत्तीसगढ़ राज्य बाल कल्याण परिषद कोति ले प्रदाय करे जाही।