कोरबा के अमन अऊ धमतरी के शौर्य ल मिलही राज्य वीरता पुरस्कार

रायपुर, कोरबा जिला के अमन ज्योति जाहिरे अऊ धमतरी जिला के शौर्य प्रताप चंद्राकर के चयन राज्य वीरता पुरस्कार बर होय हे। ए मन ल राजधानी रायपुर म 26 जनवरी गणतंत्र दिवस के दिन मुख्य समारोह म महामहिम राज्यपाल सुश्री अनुसुईया उईके सम्मानित करहीं। महिला अऊ बाल विकास मंत्री श्रीमती अनिला भेंड़िया के अध्यक्षता म छत्तीसगढ़ राज्य बाल कल्याण परिषद के ज्यूरी समिति ह वीरता पुरस्कार मन बर दुनों के नांव के घोषणा करे हें। ज्यूरी समिति के अनुशंसा म शौर्य प्रताप चंद्राकर अऊ अमन ज्योति जाहिरे के चयन करे गए हे। ए लइका मन ह साहस के परिचय देवत अपन जान के परवाह करे बिना अपन सूझबूझ ले दूसर मन के जान बचाए हें। लइका मन ल पुरस्कार म 15-15 हजार रूपिया के नगद राशि (चेक द्वारा) प्रशस्ति पत्र अऊ चांदी के मेडल प्रदान करे जाही।