- मुख्यमंत्री श्री भूपेश बघेल के विशेष प्रयास ले प्रवासी मजदूर मन के वापसी के सिलसिला जारी
- अब तक 11 विशेष ट्रेन 16 हजार 254 मजदूर मन ल लेके आ गे हे छत्तीसगढ़
- छत्तीसगढ़ सरकार कोति ले 22 ट्रेन मन म अवइया मजदूर मन बर अब तक रेल्वे ल कुल 1.88 करोड़ रूपिया के भुगतान
- राज्य के रायपुर, दुर्ग, बिलासपुर, राजनांदगांव, भाटापारा, चांपा के रेल्वे स्टेशन मन म विशेष इंतजाम
रायपुर, 17 मई 2020। कोरोना वायरस के संक्रमण ले सुरक्षा बर लागू देशव्यापी लॉकडाउन के सेती देश के कई राज्य मन म फंसे छत्तीसगढ़ के मजदूर मन ल वापस लाय बर छत्तीसगढ़ सरकार ह 43 विशेष ट्रेन मन के सहमति देहे हे। मुख्यमंत्री श्री भूपेश बघेल के विशेष प्रयास ले लाकडाउन म आन राज्य मन म फंसे छत्तीसगढ़ के मजदूर मन के आए के सिलसिला लगातार जारी हे। मुख्यमंत्री के विशेष पहल म अब तक 11 स्पेशल ट्रेन 16 हजार 254 मजदूर मन ल लेके छत्तीसगढ़ आ गे हे। मुख्यमंत्री ह ए प्रस्तावित सबो ट्रेन मन बर अनुमति प्रदान कर देहे हे। जइसे-जइसे आन राज्य ले अनुमति मिलत जाही ट्रेन मन के संचालन क्रमशः चरणबद्ध तरीके ले करे जाही। छत्तीसगढ़ सरकार कोति ले ट्रेन मन म अवइया मजदूर मन बर रेल्वे मण्डल मन ल अब तक कुल एक करोड़ 88 लाख रूपिया के भुगतान घलोक करे जा चुके हे।
ए स्पेशल ट्रेन मन म आन राज्य मन म फंसे छत्तीसगढ़ के मजदूर, छात्र, संकटापन्न अऊ चिकित्सा के जरूरत वाले मनखे मन के छत्तीसगढ़ वापसी के सिलसिला बीते 11 मई ले शुरू घलोक हो गए हे। मुख्यमंत्री श्री भूपेश बघेल ह कहे हें के छत्तीसगढ़ पहुंचइया मजदूर मन ल कोनो प्रकार के दिक्कत नइ होना चाही। स्पेशल ट्रेन पहुचे म राज्य के निरधारित स्टेशन मन म थर्मल स्क्रीनिंग, भोजन पानी अऊ ओ मन ल अपन गंतव्य स्थान पहुंचाए बर बस मन के व्यवस्था घलोक संबंधित जिला प्रशासन ह करत हे। ग्राम पंचायत मन म ए मजदूर मन बर क्वारेंटाइन सेंटर बनाय गए हे। गांव पहुंचे म ए सेन्टर मन म मजदूर मन के रहे अऊ भोजन के इंतजाम करे जात हे। मुख्यमंत्री श्री भूपेश बघेल के हुकुम म श्रम विभाग के अधीन गठित छत्तीसगढ़ भवन अउ आन सन्निर्माण कर्मकार कल्याण मण्डल ह अभी तक नोडल अधिकारी मन ले मिजे जानकारी के अनुसार ट्रेन मन म अवइया मजदूर मन बर रेल्वे मण्डल मन ल अब तक कुल एक करोड़ 88 लाख रूपिया के भुगतान घलोक कर देहे हे। छत्तीसगढ़ के मजदूर मन ल लेके अहमदाबाद गुजरात ले बिलासपुर बर दू ट्रेन, नम्बूर विजयावाड़ा आन्ध्रप्रदेश ले बिलासपुर, अमृतसर पंजाब ले बिलासपुर-चांपा, लखनऊ उत्तरप्रदेश ले बिलासपुर, भाटापारा, रायपुर बर तीन ट्रेन, अऊ विरामगम अहमदाबाद ले बिलासपुर-चांपा सकुशल आ गे हे।
अधिकारी मन ह बताइन के अवइया बेरा म मजदूर मन बर जऊन स्पेशल ट्रेन प्रस्तावित हे ओमां 17 मई के दिल्ली ले बिलासपुर, लखनऊ-रायपुर, इलाहाबाद उ.प्र. ले बिलासपुर, भाटापारा, रायपुर, खेड़ा नाडियाड गुजरात ले बिलासपुर-चांपा अऊ भोपाल ले रायपुर, बिलासपुर अऊ वाइजैग आन्ध्रप्रदेश ले रायपुर, भाटापारा, बिलासपुर, चांपा ट्रेन पहुंचे के संभावना हे। 18 मई के हैदराबाद तेलंगाना ले दुर्ग, रायपुर बिलासपुर चांपा, इलाहाबाद उत्तरप्रदेश ले बिलासपुर, भाटापारा, रायपुर, दुर्ग बिलासपुर, रायपुर, अऊ विरामगम अहमदाबाद गुजरात ले भाटापारा बिलासपुर, चांपा स्टेशन स्पेशल ट्रेन के आगमन होही। 19 मई के मेहसाणा गुजरात ले बिलासपुर-चांपा, दिल्ली ले बिलासपुर, रायपुर अउर पूणे महाराष्ट्र ले दुर्ग, रायपुर, भाटापारा, बिलासपुर ट्रेन, विजयवाड़ा आन्ध्रप्रदेश ले दुर्ग-रायपुर-बिलासपुर-चांपा, हैदराबाद-तेलंगाना-बिलासपुर-रायपुर दुर्ग-चांपा आही।
20 मई के पूणे महाराष्ट्र ले दुर्ग, भाटापारा, बिलासपुर, चांपा, अमृतसर पंजाब ले रायपुर बिलासपुर भाटापारा चांपा ट्रेन आही अऊ 20 मई के बिलासपुर ले भाटापारा रायपुर दुर्ग होत हरिद्धार उत्तराखण्ड बर ट्रेन रवाना होही। 21 मई के दरभंगा बिहार ले चांपा बिलासपुर रायपुर दुर्ग, मुम्बई महाराष्ट्र ले दुर्ग, रायपुर, भाटापारा, बिलासपुर, पूणे महाराष्ट्र ले दुर्ग, भाटापारा, बिलासपुर, चांपा, जम्मू ले बिलासपुर चांपा ट्रेन (संभावित 20 या 21 मई के) आही। 22 मई के बैंगलौर कर्नाटक ले दुर्ग, रायपुर, भाटापारा, बिलासपुर, सतारा महाराष्ट्र ले दुर्ग, रायपुर, भाटापारा, बिलासपुर, अहमदाबाद गुजरात ले रायपुर, भांटापारा, बिलासपुर, चांपा, देहरादून, हरिद्धार, उत्तराखण्ड, ले रायपुर, दुर्ग, भाटापारा, जम्मू ले बिलासपुर ट्रेन (संभावित 22 या 23 मई के) पहुंचही। 23 मई के साबरमती अहमदाबाद गुजरात ले बिलासपुर-चांपा। 24 मई ल वीरांगम अहमदाबाद ले रायपुर, भाटापारा, बिलासपुर, चांपा। 25 मई ल मेहसाणा गुजरात ले रायपुर, भाटापारा, बिलासपुर-चांपा। 26 अऊ 27 मई दुनों दिन वीरांगम अहमदाबाद ले रायपुर, भाटापारा, बिलासपुर, चांपा छत्तीसगढ़ के मजदूर मन ल लेके विशेष ट्रेन के पहुंचे के संभावना हे।
छत्तीसगढ़ सरकार ह ए ट्रेन मन म सफर बर ऑनलाइन कड़ी घलोक जारी करे हे http://www.cglabour.nic.in/covid19MigrantRegistrationService.aspx ये कड़ी म एप्लाई करके मनखे मन ए ट्रेन मन के माध्यम ले छत्तीसगढ़ वापस आ सकहीं। एखर अलावा 24 घंटा संचालित हेल्पलाइन नम्बर 0771-2443809, 91098-49992, 75878-21800, 75878-22800, 96858-50444, 91092-83986 अऊ 88277-73986 म संपर्क करे जा सकत हे।
