- बलौदाबाजार नान के जिला प्रबंधक ल इही खातिर करे गीस निलंबित
- कोरोना महामारी के प्रबंधन म लापरवाही बरते म राज्य सरकार ह करिस कार्रवाई
रायपुर, एक अप्रेल 2020। कोरोना महामारी के प्रबंधन म लापरवाही बरतइ ल राज्य सरकार ह गंभीरता ले लेत बलौदाबजार जिला के नागरिक आपूर्ति निगम के जिला प्रबंधक श्री संजय तिवारी ल तुरंते प्रभाव ले निलंबित कर देहे हे।
जानबा हे के छत्तीसगढ़ सरकार कोति ले कोरोना महामारी के प्रबंधन के चलते सार्वजनिक वितरण प्रणाली ल जरूरी सेवा घोषित करे गए हे संगेच राज्य म एस्मा लागू करे गए हे। श्री संजय तिवारी ल बिना अवकाश स्वीकृति के अनाधिकृत रूप ले अनुपस्थित रहे अऊ खाद्यान्न भण्डारण ले संबंधित अपन कर्तव्य के निर्वहन नइ करे के सेती तुरंते प्रभाव ले निलंबित कर देहे गए हे। प्रबंध संचालक छत्तीसगढ़ स्टेट सिविल सप्लाईज कार्पोरेशन लिमिटेड नवा रायपुर कोति ले ये संबंध म आदेश जारी कर देहे गए हे। निलंबन अवधि म श्री तिवारी के मुख्यालय जिला कार्यालय रायपुर निरधारित करे गण् हे। श्री तिवारी ल निलंबन अवधि म नियमानुसार जीवन निर्वाह भत्ता देहे जाही।
