राज्य सरकार के बड़का फैसला, छत्तीसगढ़ म 1 दिसंबर ले होही धान खरीदी

रायपुर, 2 नवंबर 2020। छत्तीसगढ़ म धान खरीदी ल लेके गठित मंत्रीमंडलीय उपसमिति के बैठक सोमवार के संपन्न होगे। बैठक के बाद ये फैसला लेहे गेहे कि ये बार घलो धान खरीदी 1 दिसंबर ले होही। संग म ही प्रति एकड़ 15 क्विंटल के हिसाब ले खरीदी करे के निर्णय लेहे हे। उहें सबो मंडी मन म एक संग धान खरीदी शुरु होही। बतादन कि प्रदेश म धान खरीदी ल लेके मंत्रीमंडलीय उपसमिति के बैठक बुलाय गे रिहिन। बैठक के दौरान ये फैसला लेहे गेहे हे कि सरकार ह किसान मन के धान 1 दिसंबर ले खरीदही। संग म ही पिछु बार जे सिस्टम ले धान के खरीदी करे रिहिन, उहीं प्रक्रिया ले ही धान खरीदी होही। ये बार घलो सरकार ह एमएसपी म ही धान खरीदी करे के फैसला लेहे हे।