राज्योत्सव-2022 म अलंकरण ले सम्मानित होइन विभूति

रायपुर, छत्तीसगढ़ के राज्यपाल सुश्री अनसुईया उइके अउ मुख्यमंत्री श्री भूपेश बघेल ह राज्य स्थापना दिवस के अवसर म राजधानी रायपुर के साइंस कॉलेज मैदान म आयोजित राज्य अलंकरण अउ राज्योत्सव के समारोह म छत्तीसगढ़ के कई झन विभूति मन ल उंखर उपलब्धि अउ राज्य के विकास म योगदान बर राज्य अलंकरण सम्मान ले सम्मानित करिन। कार्यक्रम के अध्यक्षता मुख्यमंत्री श्री भूपेश बघेल ह करिन।
अलंकरण पुरस्कार मन म आदिम जाति कल्याण विभाग कोति ले आदिवासी पिछड़ा वर्ग के उत्थान बर शहीद वीरनारायण सिंह पुरस्कार श्री नारायण मरकाम ल दे गीस। गृह (पुलिस) विभाग कोति ले अपराध अनुसंधान क्षेत्र म पंडित लखन लाल मिश्र सम्मान श्री लक्ष्मी प्रसाद जायसवाल, सामान्य प्रशासन विभाग कोति ले अहिंसा अउ गौ रक्षा के क्षेत्र म यति यतनलाल सम्मान श्री मदन मोहन गौशाला खरसिया, खेल अउ युवा कल्याण विभाग कोति ले खेल के क्षेत्र म उत्कृष्ट प्रदर्शन बर गुण्डाधूर सम्मान श्री अमितेश मिश्रा, महिला अउ बाल विकास विभाग कोति ले महिला उत्थान के क्षेत्र म मिनीमाता सम्मान डॉ. श्रीमती मीरा शुक्ला, आदिम जाति कल्याण विभाग कोति ले सामाजिक चेतना अऊ दलित उत्थान के क्षेत्र म गुरू घासीदास सम्मान श्री खेमचंद भारती, सहकारिता विभाग कोति ले सहकारिता के क्षेत्र म ठाकुर प्यारेलाल सम्मान श्री अशोक अग्रवाल ल प्रदान करे गीस।
अइसनहे आदिम जाति कल्याण विभाग कोति ले उर्दू के सेवा क्षेत्र म हाजी हसन अली सम्मान जनाब यूनुस खान, सामान्य प्रशासन विभाग कोति ले सामाजिक, आर्थिक, शैक्षणिक क्षेत्र म उल्लेखनीय काम बर पंडित रविशंकर शुक्ल सम्मान श्री सीताराम अग्रवाल, संस्कृति विभाग कोति ले साहित्य-आंचलिक के क्षेत्र म उत्कृष्ट काम बर पंडित सुन्दरलाल शर्मा सम्मान श्री रामेश्वर वैष्णव, संस्कृति विभाग कोति ले संगीत अउ कला के क्षेत्र म चक्रधर सम्मान श्री वेदमणि सिंह ठाकुर ल प्रदान करे गीस। संस्कृति विभाग कोति ले लोककला अउ शिल्प के क्षेत्र म दाऊ मंदराजी सम्मान श्रीमती जयंती यादव अऊ श्री पंडित राम ल संघरा प्रदान करे गीस। कृषि विभाग कोति ले कृषि के क्षेत्र म डॉ. खूबचंद बघेल सम्मान श्री खेदूराम बंजारे, सामान्य प्रशासन विभाग कोति ले सामाजिक समरसता के क्षेत्र म उल्लेखनीय काम बर महाराजा अग्रसेन सम्मान श्री ईश्वर प्रसाद अग्रवाल, समाज कल्याण विभाग कोति ले दानशीलता, सौहार्द्र अउ अनुकरणीय सहायता के क्षेत्र म दानवीर भामाशाह सम्मान श्रीमती गंगोत्री वर्मा, मत्स्य विभाग कोति ले मछली पालन के क्षेत्र म उत्कृष्ट काम बर श्रीमती बिलासाबाई केंवटीन मत्स्य विकास श्री रूपचंद धीवर ल प्रदान करे गीस।
उच्‍च शिक्षा विभाग कोति ले संस्कृत भाखा के क्षेत्र म संस्कृत भाखा सम्मान डॉ. बालकृष्ण तिवारी, आदिम जाति कल्याण विभाग कोति ले आदिवासी मन के सेवा अऊ उत्थान के क्षेत्र म देवईया भंवर सिंह पोर्ते सम्मान श्री टुकेश्वर कंवर ल प्रदान करे गीस। श्रम विभाग कोति ले श्रम के क्षेत्र म महाराजा रामानुज प्रताप सिंहदेव पुरस्कार संघरा एनटीपीसी सीपत उज्ज्वल नगर बिलासपुर अऊ श्री पालूराम साहू ल प्रदान करे गीस। ग्रामोद्योग विभाग कोति ले बुनकर क्षेत्र म बिसाहूदास महंत पुरस्कार संयुक्त रूप ले साल 2020-21 बर श्री आनंद देवांगन अऊ श्री पद्मचरण देवांगन अऊ साल 2021-22 के पुरस्कार संघरा श्री राजन देवांगन अऊ श्री कृष्ण कुमार देवांगन ल प्रदाय करे गीस। ग्रामोद्योग विभाग कोति ले बुनकर के क्षेत्र म राजराजेश्वरी करूणामाता हाथकरघा प्रोत्साहन पुरस्कार संघरा श्री नरसिंह देवांगन अउर श्री श्रीपति मेहेर देवांगन ल दे गीस।
संस्कृति विभाग कोति ले प्रदर्शनकारी लोककला क्षेत्र म देवदास बंजारे स्मृति पुरस्कार श्री द्वारिका बर्मन, संस्कृति विभाग कोति ले लोक शैली पंथी नृत्य प्रदर्शनकारी कला क्षेत्र म देवदास स्मृति पंथी नृत्य पुरस्कार श्री मिलाप दास बंजारे, संस्कृति विभाग कोति ले हिन्दी-छत्तीसगढ़ी सिनेमा म रचनात्मक लेखन, निर्देशन, अभिनय, पटकथा, निर्माण के क्षेत्र म किशोर साहू सम्मान श्री मनु नायक, संस्कृति विभाग कोति ले ही हिन्दी-छत्तीसगढ़ी सिनेमा म निर्देशन बर किशोर साहू राष्ट्रीय अलंकरण श्री पलाश वासवानी ल प्रदान करे गीस।
स्वास्थ्य विभाग कोति ले आयुर्वेद चिकित्सा शिक्षा अऊ शोध अउ अनुसंधान के क्षेत्र म उल्लेखनीय काम बर धनवन्तरि सम्मान डॉ. मनोज चौकसे ल प्रदान करे गीस। विधि अउ विधायी विभाग कोति ले विधि के क्षेत्र म उल्लेखनीय काम बर बैरिस्टर ठाकुर छेदीलाल सम्मान संघरा डॉ. प्रिया राव अऊ श्री विवेक सारस्वत ल प्रदान करे गीस। संस्कृति विभाग कोति ले देश के बाहिर सामाजिक कल्याण, मानव संसाधन विकास, कला, साहित्य या आर्थिक योगदान के क्षेत्र म उल्लेखनीय काम बर छत्तीसगढ़ अप्रवासी भारतीय सम्मान श्री गणेश कर, संस्कृति विभाग कोति ले साहित्य, आंचलिक साहित्य के क्षेत्र म उल्लेखनीय काम बर लाला जगदलपुरी साहित्य पुरस्कार श्री जीवन यदु ल प्रदान करे गीस। जनसंपर्क विभाग कोति ले पत्रकरिता प्रिंट मीडिया हिन्दी के क्षेत्र म चन्दूलाल चन्द्राकर स्मृति पत्रकारिता पुरस्कार श्री धनंजय वर्मा, इलेक्ट्रॉनिक मीडिया हिन्दी के क्षेत्र म संघरा श्री अमितेष पांडेय अऊ डॉ. वैभव शिव पाण्डेय, जनसपंर्क विभाग कोति ले प्रिंट मीडिया अंगरेजी के क्षेत्र म मधुकर खेर स्मृति पत्रकारिता पुरस्कार डॉ. के. एन. किशोर, जनसंपर्क विभाग कोति ले ही रचनात्मक लेखन अऊ हिन्दी भाखा क्षेत्र म पंडित माधवराव सप्रे राष्ट्रीय रचनात्मकता सम्मान श्री सुदीप ठाकुर ल प्रदान करे गीस।
ये बेरा म नेता प्रतिपक्ष श्री नारायण चंदेल संग मंत्रिमंडल के सदस्य, संसदीय सचिव, सांसद, विधायक, निगम मंडल के अध्यक्ष अऊ आन जनप्रतिनिधि उपस्थित रहिन।