एक पेड़ माँ के नाम अभियान के तहत राज्य सूचना आयोग म करे गीस वृक्षारोपण

रायपुर, 22 जुलाई 2024। प्रधानमंत्री श्री नरेन्द्र मोदी के आरो म एक वृक्ष माँ के नाम अभियान के अंतर्गत छत्तीसगढ़ म सरलग वृक्षारोपण करे जात हे। इही कड़ी म छत्तीसगढ़ राज्य सूचना आयोग म घलोक एक पेड़ मां के नाम अभियान के अंतर्गत वृक्षारोपण करे गीस। नवा रायपुर स्थित आयोग कार्यालय के परिसर म आयोग के सचिव गोपाल वर्मा संग उप सचिव श्रीमती आभा तिवारी, अवर सचिव गीता दीवान, अतुल वर्मा, प्रदीप गौर, श्रीमती रजनी संग आन अधिकारी मन अऊ कर्मचारी मन ह वृक्षारोपण करिन। वृक्षारोपण म आम, अमरूद, जामुन, करौंदा, अनार, पीपल, बड़, नीम, सीताफल, सन्तरा, आँवला, चीकू, नीबू आदि फलदार पौधा के संगेच पारिजात, मोंगरा, कचनार, मधुमालती गुलमोहर आदि फूल के पौधा लगाए गीस। ए बेरा म सूचना आयोग के कर्मचारी मन ह पौधा ल अपन माँ ल समर्पित करके पौधा मन के सुरक्षा करे के घलोक संकल्प लीन।