रइपुर, 7 जून 2021 सम्मार। पर्यटन मंत्री श्री ताम्रध्वज साहू के विशेष पहल म छत्तीसगढ़ के स्टेट इंस्टीट्यूट ऑफ होटल मैनेजमेंट (आई.एच.एम.) नवा रायपुर ल राष्ट्रीय होटल प्रबंध एवं कैटरिंग टेक्नॉलाजी परिषद (एन.सी.एच.एम.सी.टी.) ह मान्यता प्रदान कर देहे हवय। मान्यता मिले के पाछू अब स्टेट इंस्टीट्यूट ऑफ होटल मैनेजमेंट के डिग्रीधारी देश-विदेश के आने—आने संस्थान मन म बूता कर सकहींं।
स्टेट इंस्टीट्यूट ऑफ होटल मैनेजमेंट के गठन बछर 2006 म करेे गे रिहिस। मान्यता प्राप्त होए के संगे——संग शैक्षणिक सत्र 2020-21 ले पढ़ाए के काम चालू होगे हवय। अभीन आईएचएम म कुल 53 झिन छात्र पढ़त हावय, जेमन ल बीएससी (एचएचए) (3 साला पाठ्यक्रम), डिप्लोमा इन फूड प्रोडक्शन (01 साला पाठ्यक्रम), डिप्लोमा इन फूड एंड बेवरेज सर्विसेस (01 साला पाठ्यक्रम) अउ डिप्लोमा इन हाउस किपिंग ऑपरेशन (01 साला पाठ्यक्रम) के ऑनलाईन शिक्षा प्रदान करे जावत हावय।
छत्तीसगढ़ पर्यटल मण्डल के अधिकारी मन के बताती एकर उद्देश्य होटल प्रबंधन अउ हॉस्पिीटिलिटी विषय मन म शोध अउ अनुसंधान के संगेे —संग छत्तीसगढ संग आने राज्य मन के शिक्षित युवा मन ल हास्पीटिलिटी के क्षेत्र म प्रशिक्षण प्रदान करके, सत्कार सेवा बर उत्कृष्ट मानव —शक्ति उपलब्ध कराना हें।
स्टेट इंस्टीट्यूट ऑफ होटल मैनेजमेंट म 53 छात्र पढ़त हावय
