बिहनिया 8 बजे ले रात 8 बजे तक रहिही चालू
धनहा एप Dhanaha App ले घलोक किसान ले सकहीं जानकारी
रायपुर, मुख्यमंत्री श्री भूपेश बघेल के हुकुम म खरीफ साल 2019-20 म समर्थन मूल्य म धान उपार्जन के संबंध म किसान मन के शिकायत, सुझाव अउ पूछताछ बर राज्य स्तरीय किसान हेल्पलाइन नम्बर शुरू कर देहे गए हे। संगेच प्रदेश के किसान मन ल पुलिस हेल्पलाइन नम्बर 112 म घलोक जानकारी लेहे, शिकायत करे या सुझाव देहे के सुविधा दे गए हे। प्रदेश के किसान हेल्पलाइन नम्बर 112 अउ 1967 अउ 1800-233-3663 म जानकारी पा सकता सके हे। ये वाले हेल्पलाइन नम्बर भिनसरहा 8 बजे ले रात्रि 8 बजे तक संचालित होही। हेल्पलाइन शुरू करे के संबंध म इहां मंत्रालय महानदी भवन ले खाद्य विभाग के सचिव डॉ. कमलप्रीत सिंह कोति ले आदेश जारी कर दे गए हे।
जारी आदेश के मुताबिक राज्य स्तरीय किसान हेल्पलाइन नम्बर म कोनो किसान धान उपार्जन केन्द्र ले संबंधित जानकारी ले सकत हें अऊ अपन शिकायत अउ सुझाव घलोक दर्ज करा सकत हें। हेल्पलाइन के अलावा किसान अपन शिकायत अउ सुझाव जनभागीदारी वेबसाइट म आनलाइन दर्ज करा सकत हें। एखर अलावा किसान मन ल धान खरीदी संबंधी जानकारी जइसे खरीदी केन्द्र म धान बेचे, टोकन, भुगतान आदि के जानकारी प्राप्त करे बर विभाग कोति ले ’’धनहा’’ एप घलोक चालू करे गए हे। एन्ड्रायड मोबाईलधारी किसान ’’धनहा’’ एप ल गूगल प्ले स्टोर ले डाउनलोड कर एखर संबंध म जानकारी प्राप्त कर सकत हें। खाद्य सचिव ह राज्य स्तरीय किसान हेल्पलाइन नम्बर के जानकारी सबो धान खरीदी ठीहा मन म प्रदर्शित करे के संगेच किसान मन ल घलोक एखर जानकारी देहे के हुकुम दिए हें।
