12 ले 14 जनवरी के राजधानी म होही आयोजन
रायपुर, राज्य स्तरीय युवा महोत्सव के आयोजन राजधानी रायपुर म 12 ले 14 जनवरी तक करे जाही। ए युवा उत्सव म राज्य के सबो 27 जिला मन ले 6 हजार 521 प्रतिभागी सामिल होवत हें। ये मा सर्वाधिक प्रतिभागी कोरबा, नारायणपुर, कबीरधाम, रायपुर, धमतरी, महासमुंद अऊ सूरजपुर जिला ले सामिल होवत हे। मुख्यमंत्री श्री भूपेश बघेल के निर्देशन अऊ खेल अउ युवा कल्याण मंत्री श्री उमेश पटेल के मार्गदर्शन म ग्रामीण खेल प्रतिभा मन ल निखारे अऊ छत्तीसगढ़ के कला संस्कृति ल बढ़ावा देहे बर ए पइत प्रदेश म भव्य तरीका ले युवा महोत्सव के आयोजन करे जात हे। राज्य स्तरीय युवा महोत्सव म 15 ले 40 साल अऊ 40 साल ले जादा आयु वर्ग के प्रदेश भर के छै हजार 521 प्रतिभागी भाग लेहीं। एमां 3 हजार 613 पुरूष,2 हजार 433 महिला प्रतिभागी अऊ 301 पुरूष अऊ 174 महिला अधिकारी कर्मचारी सामिल हे।
युवा उत्सव म 18 विधा म सांस्कृतिक प्रतिभा के प्रदर्शन करे जाही। 18 विधा के अकतहा ए साल पारम्परिक सुआ नृत्य, पंथी नृत्य, करमा नाचा, सरहुल नाचा, बस्तरियां लोक नृत्य, राउत नाचा, फुगड़ी, भौंरा, गेड़ी दौड़-चाल, रॉक बैण्ड (राज्य स्तर पर) के अलावा छत्तीसगढ़ी संस्कृति ल उजागर करे बर पारम्परिक वेशभूषा प्रतियोगिता, छत्तीसगढ़ी व्यंजन ऊपर आधारित फूड फेस्टिवल प्रतियोगिता, छत्तीसगढ़ी लोक कला अउ संस्कृति, ऐतिहासिक धरोहर, पारम्परिक अउ आदिवासी शैली ले संबंधित विसय म चित्रकला प्रतियोगिता ल सामिल करे गए हे।
खेल अउ युवा कल्याण विभाग ले मिले जानकारी के अनुसार बालोद जिला ले 285, बलौदाबाजार-भाटापारा ले 272, बलरामपुर-रामानुजगंज ले 142, बेमेतरा ले 287, बीजापुर ले 146, बिलासपुर ले 185, दंतेवाड़ा ले 215, धमतरी ले 317, दुर्ग ले 173, गरियाबंद ले 234, बस्तर ले 191, जांजगीर-चांपा ले 184, जशपुर ले 241, कबीरधाम ले 337, कांकेर ले 140, कोण्डागांव ले 170, कोरबा ले 368, कोरिया ले 209, महासमुंद ले 308, मुंगेली ले 178, नारायणपुर ले 339, रायगढ़ ले 263, रायपुर ले 334, राजनांदगांव ले 290, सरगुजा ले 298, सुकमा ले 112 अऊ सूरजपुर जिला ले 303 प्रतिभागी मन ल मिलाके कुल 6521 खिलाड़ी ए महोत्सव म सामिल होही। सामिल होवइया प्रतिभागी मन बर आवासीय व्यवस्था घलोक करे गए हे।
