मुख्यमंत्री श्री भूपेश बघेल ले राज्य पुलिस सेवा (एस. पी. एस.) के अधिकारी मन ह करिन सौजन्य मुलाकात

रायपुर, मुख्यमंत्री श्री भूपेश बघेल ले आज विधानसभा परिसर स्थित ऊंखर कार्यालय कक्ष म छत्तीसगढ़ राज्य पुलिस सेवा (एस. पी. एस.) के अधिकारी मन अउ पुलिस निरीक्षक मन ह सौजन्य मुलाकात करिन। उमन राज्य शासन के अधिकारी अऊ कर्मचारी मन बर जुन्ना पेंशन योजना बहाली के फैसला बर मुख्यमंत्री के प्रति आभार व्यक्त करिन। मुख्यमंत्री श्री बघेल ह राज्य के साल 2022-23 के बजट म जुन्ना पेंशन योजना लागू करे के घोषणा करे हें।
प्रतिनिधिमंडल म राज्य पुलिस सेवा (एस. पी. एस.) के अधिकारी श्री कमलेश्वर चंदेल, श्री मुकेश ठाकुर, श्री सुखनंदन राठौर, श्री कीर्तन राठौर, श्री अभिषेक महेश्वरी, श्री खोमन सिन्हा, श्री डी. सी. पटेल, श्री उदयंत बेहार, श्री मनोज ध्रुव अउ पुलिस निरीक्षक मन म श्री राजेश सिंह, श्री अमित तिवारी अऊ श्री निलेश सिंह उपस्थित रहिन।