रायपुर, 30 मई 2024। राज्य नीति आयोग म अमृत काल विजन डॉक्यूमेंट तियार करे बर गुणवत्ता संग शिक्षा विसय म गठित वर्किंग ग्रुप के पहिली बैठक राज्य नीति आयोग के उपाध्यक्ष श्री अजय सिंह के विशेष मौजूदगी म पाछू दिनन म नीति भवन नवा रायपुर म आयोजित करे गीस। बैठक म वर्किंग ग्रुप के सदस्य मन कोति ले महत्वपूर्ण सुझाव आइस। नीति आयोग के सदस्य श्री डॉ. के.सुब्रमण्यम ह राज्य नीति आयोग कोति ले अमृतकाल छत्तीसगढ़ विजन 2047 विजन डॉक्यूमेंट तैयार करे बर गठित कार्य समूह मन के संबंध म विस्तार ले जानकारी देहे गीस। बैठक म गुणवत्ता संग शिक्षा बर निरधारित प्रमुख लक्ष्य, प्रमुख चुनौती अउ विभागीय विजन संबंधी प्रस्तुतिकरण दे गीस। बैठक म सलाहकार डॉ. धीरेन्द्र तिवारी घलोक मौजूद रहिन। स्कूल शिक्षा विभाग के सचिव श्री सिद्धार्थ कोमल परदेशी ह छत्तीसगढ़ विजन डॉक्यूमेंट तैयार करे के संबंध म गुणवत्ता संग शिक्षा बर स्कूल शिक्षा विभाग के कई ठन कार्यक्रम मन के विस्तार ले जानकारी दीन। तकनीकी शिक्षा अउ कौशल विकास विभाग के सचिव डॉ. एस.भारतीदासन ह विजन डॉक्यूमेंट के संबंध म घलोक विभागीय जानकारी के महत्वपूर्ण बिन्दु ल रखिन आयुक्त उच्च शिक्षा श्रीमती शारदा वर्मा ह उच्च शिक्षा विभाग के विभागीय गतिविधि मन के बारे म विस्तार ले जानकारी दीन। वर्किंग ग्रुप के बैठक म नीति आयोग के सदस्य सचिव श्री अनूप श्रीवास्तव, संयुक्त संचालक डॉ. नीतू गौरडिया, संयुक्त संचालक श्रीमती वत्सला मिश्रा, स्कूल शिक्षा, उच्च शिक्षा, तकनीकी शिक्षा, राज्य शैक्षिक अनुसंधान अउ प्रशिक्षण परिषद, छत्तीसगढ़ कौशल विकास प्राधिकरण, छत्तीसगढ़ विज्ञान अउ प्रौद्योगिकी, आईआईटी भिलाई, आईआईएम रायपुर, एनआईटी रायपुर संग नीति आयोग के सलाहकार, संस्था मन के प्रतिनिधि संग आन पदाधिकारी सामिल होइन।
राज्य नीति आयोग म गुणवत्ता संग शिक्षा वर्किंग ग्रुप के होइस बैठक
