ई-रिक्शा ले मन्तोषी बनिस आत्मनिर्भर

कोरिया, सोनहत विकासखण्ड के ग्राम पंचायत रजौली के खोडरी गांव के रहइया मन्तोषी अब ई-रिक्शा चलाके अपन परिवार के भरन-पोसन करत हे। मन्तोषी के बताती जेन दिन वोला सवारी बढ़िया मिल जाथे ते दिन 5 सौ ले 6 सौ रूपिया तक कमई हो जाथे। पहिली सीमित आय म परिवार के पालन पोषण करना मुश्किल होत रहिस, अब ई रिक्शा ले कुछ न कुछ रोजाना आमदनी हो जाथे जेखर से परिवार के रोज के खरचा निकल जाथे। ओ ह शासन के राज्य ग्रामीण आजीविका मिशन बिहान ल धन्यवाद देथे, जेन ह ओला अपन सपना पूरा करे म मदद करे हे।
बिहान योजना के तहत ओ ह गांव के गंगा स्व सहायता समूह ले जुड़े हे अऊ समूह के सचिव हे। मन्तोषी ह समूह ले जुड़े के बाद बतौर ई-रिक्शा चालक काम करे के इच्छा जाहिर करे रहिस हे। जिला मं राज्य ग्रामीण आजीविका मिशन बिहान के अधिकारी मन ह मन्तोषी के स्वावलंबी बने के इच्छा मं सहयोग करे गीस अऊ ई रिक्शा बिसाए मं ओखर मदद करिन, जेमां श्रम विभाग ह घलोक अपन योगदान दीस। बैंक लिंकेज के अंतर्गत ई रिक्शा बर 1 लाख रुपए, श्रम विभाग ले 50 हजार के राशि अऊ अपन तीर के 20 हजार रुपए लगाके मन्तोषी ह ई-रिक्शा खरीदिस। मन्तोषी कहिथे कि ई-रिक्शा ह ओला अपन पहिचान बनाए के हिम्मत देहे हे अऊ अपन परिवार बर कमाए के जरिया तको बने हे।