मुख्यमंत्री श्री भूपेश बघेल ले साहू समाज के प्रतिनिधि मंडल ह करिस सौजन्य मुलाकात

रायपुर, मुख्यमंत्री श्री भूपेश बघेल ले ऊंखर निवास कार्यालय म प्रदेश साहू समाज के अध्यक्ष टहल साहू के सियानी म एक प्रतिनिधि मंडल ह सौजन्य मुलाकात करिस। ये बेरा म तेलघानी विकास बोर्ड के अध्यक्ष संदीप साहू घलोक मौजूद रहिस। प्रतिनिधि मंडल ह मुख्यमंत्री के मार्गदर्शन म शासन-प्रशसान अऊ रेस्क्यू टीम के प्रयास ले बोरवेल म गिरे बालक राहुल साहू के सफलतापूर्वक रेस्क्यू बर आभार व्यक्त करिन। ये बेरा म प्रदेश साहू समाज के महामंत्री हलधर साहू, कार्यकारी अध्यक्ष सनद बंटी साहू के अलावा भुनेश्वर साहू, दयाराम साहू, पवन साहू, कुलदीप साहू, श्रीमती चित्रलेखा साहू अउ श्रीमती लक्ष्मी साहू मौजूद रहिन।