बेमेतरा : किसान समृद्ध योजना ले किसान योगेश होइस समृद्ध

बेमेतरा, छ.ग. शासन कोति ले संचालित राज्य पोषित किसान समृद्धि योजना ले निश्चित रूप ले किसान मन के आय म बढ़ोतरी होए हे, संगेच द्विफसलीय क्षेत्र म विस्तार घलोक होए हे। साल 2022 म ग्राम-मुरता वि.ख.-नवागढ़ जिला-बेमेतरा के किसान योगेश साहू पिता बुधारी साहू जे अपन 03 एकड़ रकबा म कभू एकफसलीय खेती करत रहिस अऊ अल्प वर्षा/सीमीत सिंचाई संसाधन होए के सेती फसल उत्पादन प्रभावित होत रहिस। जेखर से वोखर आर्थिक स्थिति बने नइ रहिस। ग्रा.कृ.वि.अधि. श्री रामकिंकर साहू के मार्गदर्शन म वो ह किसान समृद्धि योजना अंतर्गत नलकूप खनन बर आवेदन प्रस्तुत करिस, जेखर से वोला 35 हजार रू. के अनुदान राशि नलकूप खनन अऊ पंप प्रतिष्ठान बर मिलिस। जेखर से वो ह अभी हाल म 02 ले 03 फसल उपजावत हे। जेखर से वोखर आय म पउर साल के तुलना म बढ़ोतरी होए हे। व.कृ.वि.अधि. श्री आर.के. चतुर्वेदी ह बताइस कि योजना के प्रावधान मुताबिक नलकूप खनन बर प्रस्तावित स्थल ले 300 मी. के परिधि म आन नलकूप नइ होए चाही संगेच 2.50 एकड़ रकबा एक चक होए के दशा म अजा./अजजा.-43 हजार रू, अपिव.-35 हजार रू. अऊ सामान्य वर्ग के किसान मन ल 25 हजार रू. नलकूप खनन अऊ पंप प्रतिष्ठान म अनुदान देय हे।