दुर्ग, 21 मार्च 2020। जानबा हे के देश के प्रधानमंत्री माननीय श्री नरेंद्र मोदी जी ह कोरोना संक्रमण ल रोके बर इतवार 22 मार्च के भिनसरहा 7 ले रात 9 बजे तक जनता कर्फ्यू के आग्रह करे हें मने ये बेरा म कोनो मनखे ल घर ले बाहिर नइ निकले ल कहें हें। छत्तीसगढ़ चेंबर ऑफ कॉमर्स इंडस्ट्रीज दुर्ग इकाई ह प्रधानमंत्री जी के आग्रह के सम्मान अउ समर्थन करत दुर्ग के जम्मो मनखे मन संग दुर्ग जिला इकाई के जम्मो व्यापारी बंधु मन ले आग्रह करे हें के जनता कर्फ्यू ल सफल बनावयं।
दुर्ग जिला इकाई, छत्तीसगढ़ चेम्बर ऑफ कॉमर्स के प्रदेश उपाध्यक्ष विनीत जैन, प्रदेश मंत्री मेहंदी भाई समनानी, अध्यक्ष अशोक राठी, महामंत्री धीरज बाकलीवाल (महापौर दुर्ग), कोषाध्यक्ष विनीत खेतान, कार्यकारी अध्यक्ष किशोर जैन, सहसचिव राजेश नाहटा, प्रचार प्रभारी दीपक चोपड़ा, अभिषेक पाटनी अउ कार्यकारणी के सबो सदस्य मन कहे हें के ये बेरा म दुर्ग के जम्मो व्यापारी अपन व्यापार पूरा बंद रखयं अऊ अपन अउ अपन परिवार के स्वास्थ्य सुरक्षा बर घर म ही रहयं।