बलौदाबाजार-भाटापारा, प्रधानमंत्री सूर्यघर मुफ्त बिजली योजना प्रदेश के सुदूर ग्रामीण परिवार मन ल ऊर्जा के क्षेत्र म आत्मनिर्भर बनावत हे। ए योजना आज बहुत अकन परिवार मन खातिर नवा अंजोर अऊ भरोसा लेके आए हे। बलौदाबाजार-भाटापारा जिला के ग्राम रवान के रहवइया धनेश कुमार वैष्णव ह प्रधानमंत्री श्री नरेन्द्र मोदी कोति ले शुरू करे गए पीएम सूर्यघर मुफ्त बिजली योजना के लाभ लेहे हे। एखर से न केवल ऊंखर घर ल मुफ्त बिजली मिलत हे बल्कि ओ मन ल पर्यावरण संरक्षण म योगदान देहे के घलोक अवसर मिलत हे।
केन्द्र अऊ राज्य सरकार कोति ले देहे जात हे अनुदान
धनेश ह बताइस के समाचार पत्र म विज्ञापन देखे के बाद बिजली विभाग ले जानकारी लेंव अऊ अपन घर के छत म 3 किलोवॉट के सोलर सिसटम स्थापित करवायेंव। ए योजना के तहत ओ ल शासन कोति ले एक लाख 8 हजार रूपिया के सब्सिडी घलोक मिले हे। ओ ह बताइस के 3 किलोवाट या ओखर से जादा क्षमता वाले प्रधानमंत्री सुरुज घर मुफ्त बिजली योजना म केंद्र कोति ले 78 हजार अऊ राज्य ले 30 हजार रूपिया के अनुदान राशि मिलथे। योजना के लाभ प्राप्त करे बर उपभोक्ता पीएम सूर्यघर डॉट जीओव्ही डॉट ए वेब पोर्टल या पीएम सूर्यघर एप्प म पंजीयन करा सकत हे।
बैंक ले कम ब्याज म करजा सुविधा
इच्छुक उपभोक्ता मन ल 6 प्रतिशत ब्याज दर म बैंक करजा बर बैंक मन ल जनसमर्थन पोर्टल से ऑनलाईन आवेदन करना होथे। आवेदन के बाद सत्यापन के बाद बैंक करजा उपलब्ध कराए जात हे। श्री वैष्णव ह बताइस के ये योजना वोखर बर अड़बड़ लाभकारी सिद्ध होवत हे। एखर से वोखर घर ल मुफ्त बिजली मिलत हे, संगेच ओ ल पर्यावरण संरक्षण म योगदान देहे के घलोक अवसर मिलत हे। वो ह प्रधानमंत्री अऊ मुख्यमंत्री के प्रति आभार व्यक्त करत कहिस के ये शासन के बहुतेच अच्छा पहल हे जेखर से आमजनता ल आत्मनिर्भर बने के अवसर मिलत हे। संगेच वो ह जिला के सबो नागरिक मन ले अपील करे हे के आप मन घलोक ए योजना के लाभ अवश्य लेवव अऊ सौर ऊर्जा के माध्यम ले स्वच्छ अऊ हरित भविष्य के निर्माण करव।
