रायपुर, गुण्डरदेही विकासखण्ड के ग्राम खपरी(ब) म ग्राम पैरी के कुमारी भूमि पिता श्री मनोहर सिंह ल नोनी के जनम के छठवा दिनेच विधायक श्री कुंवर सिंह निषाद के हाथ ले जाति प्रमाण पत्र मिल गीस। श्री मनोहर सिंह ह जाति प्रमाण पत्र प्राप्त करके खुसी-खुसी बताइस कि बेटी के जनम के तीन दिन बाद वो ह जाति प्रमाण पत्र बर आवेदन करे रहिस अऊ आज छट्ठी के दिन जाति प्रमाण पत्र मिल गीस। वो ह लउहे प्रमाण पत्र मिले म शासन ल धन्यवाद देवत कहिस कि नोनी के भविष्य बर ये प्रमाण पत्र बहुत उपयोगी होही।
नोनी ल छट्ठी के दिनेच मिल गे स्थायी जाति प्रमाण पत्र
