परिस्थिति चाहे जइसे होए, किसान मन ल खुशहाल बनाए के फैसला म अडिग रहिबो: मुख्यमंत्री श्री भूपेश बघेल

रायपुर, मुख्यमंत्री श्री भूपेश बघेल ह कहिन कि परिस्थिति चाहे जइसे होए छत्तीसगढ़ सरकार राज्य के किसान मन अऊ गांव वाले मन के हित म लेहे गए निर्णय म अडिग रइही। छत्तीसगढ़ के किसान मन, गांव वाले मन, आदिवासि मन, महिला मन संग सबो वर्ग ल खुशहाल अऊ स्वावलंबी बनाना हमर सरकार के प्राथमिकता म हे। मुख्यमंत्री श्री बघेल ह कहिन कि राज्य म समर्थन मूल्य म धान खरीदी, बारदाना के आपूर्ति, कस्टम मिलिंग संग कई अड़चन केन्द्र सरकार कोति ले जानबूझके पैदा करे जात हे, एखर बावजूद हम किसान मन के हित म आंच नइ आन दन अऊ राज्य म धान समर्थन मूल्य म खरीदी जारी रइही। मुख्यमंत्री श्री भूपेश बघेल आज राजधानी रायपुर के एक निजी होटल म आयोजित किसान सम्मेलन अऊ सम्मान समारोह ल संबोधित करत रहिन। ये बेरा म कृषि मंत्री श्री रविन्द्र चौबे, मुख्यमंत्री के सलाहकार श्री प्रदीप शर्मा विशेष रूप ले मौजूद रहिन।