कबीरधाम जिला म शुरू होइस सौर ऊर्जा क्रांति के कहानी

कबीरधाम, प्रधानमंत्री श्री नरेन्द्र मोदी के महत्वाकांक्षी प्रधानमंत्री सूर्यघर मुफ्त बिजली योजना कबीरधाम जिला म सौर ऊर्जा आत्मनिर्भरता के नवा रद्दा प्रशस्त करत हे। कबीरधााम जिला के 11 परिवार मन ह अपन घर मन के छत म सोलर रूफटॉप प्लांट स्थापित करके ये संदेश देहे हें के ये योजना बिजली बिल के बचत के साधन के संगे संग आर्थिक सशक्तिकरण अऊ पर्यावरण संरक्षण के दिशा म एक जनआंदोलन हे।
मुख्यमंत्री श्री विष्णु देव साय के मंशा के मुताबिक अऊ जिला प्रशासन के मार्गदर्शन म कबीरधाम जिला म योजना के क्रियान्वयन लउहे-लउहे होवत हे। अब तक जिला म 94 ले जादा हितग्राही वेंडर मन के चयन करे गे हे अऊ कई लाभार्थि मनल सब्सिडी राशि सीधा ऊंखर बैंक खाता म हस्तांतरित करे गए हे। अवइया महीना म हजारों परिवार ए योजना ले जुड़े के दिशा म आगू बढ़त हें।
कबीरधाम जिला के 11 परिवार मन ह योजना के लाभ उठात अपन घर के छत म 1 ले 3 किलोवाट क्षमता वाले सोलर पैनल स्थापित करे हे। एमां योगेन्द्र सिंह कश्यप (राजमहल चौक, कवर्धा), नरेश कुमार चंद्रवंशी अऊ रितेश कुमार चंद्रवंशी (दौजरी), सतीश कुमार धवलकर (मठपारा वार्ड-3), श्रीमती लीना तिवारी (मठपारा वार्ड-12), रोशन राम (नागर जवादन रोड), कुमारी देवी सोम (श्याम नगर), ओंकार साहू (रामनगर), श्रीमती सरोज बाई ठाकुर अऊ श्रीमती माधुरी (कालिका नगर) सामिल हे। ए सोलर पैनल मन ले हर महीना लगभग 300 यूनिट मुफ्त बिजली के उत्पादन होवत हे। अकतहा बिजली ल सीएसपीडीसीएल ग्रिड म भेजके ये परिवार अवइया बिल म क्रेडिट के लाभ घलोक प्राप्त करत हें।