स्त्री शक्ति सम्मान समारोह बर राज्यपाल ल नेवता

रायपुर, 04 मार्च 2020। राज्यपाल सुश्री अनुसुईया उइके ले आज इहां राजभवन म लक्ष्मी महिला नागरिक सहकारी बैंक के अध्यक्ष श्रीमती सत्यबाला अग्रवाल ह भेंट करके 14 मार्च के आयोजित होवइया स्त्री शक्ति सम्मान समारोह बर नेवता दीन। श्रीमती अग्रवाल ह बताइस के लक्ष्मी महिला नागरिक सहकारी बैंक के रजत जयंती साल म आयोजित ये सम्मान समारोह म देश अउ प्रदेश के कई क्षेत्र जइसे सामाजिक, खेल, शिक्षा, कला, चिकित्सा, पत्रकारिता अऊ गायन के क्षेत्र म उंचहा काम करइया महिला मन ल स्त्री शक्ति सम्मान ले सम्मानित करे जाही। जानबा हे कि ये सम्मान समारोह के आयोजन लक्ष्मी महिला नागरिक सहकारी बैंक, सूर्या सामाजिक कल्याण समिति अऊ छत्तीसगढ़ पब्लिक स्कूल कोति ले संघरा करे जात हे।