जांजगीर-चांपा,18 दिसंबर 2020। छत्तीसगढ़ म मनरेगा (महात्मा गांधी राष्ट्रीय ग्रामीण रोजगार गारंटी योजना) के अंतर्गत चालू वित्तीय वर्ष 2020-21 म अब तक एक लाख 21 हजार 740 परिवार मन ल 100 दिन ले जादा के रोजगार उपलब्ध कराए जा चुके हे। सर्वाधिक परिवार मन ल 100 दिन के रोजगार उपलब्ध कराए के मामला म छत्तीसगढ़ देश म छठवा स्थान म हे। मुख्यमंत्री भूपेश बघेल के नेतृत्व म मनरेगा के संग ही अन्य विभाग मन के योजना मन के अभिसरण ले ग्रामीण श्रमिक मन ल रोजगार उपलब्ध कराए के संग ही उंखर आजीविका के संवर्धन करे जावत हे। मनरेगा के माध्यम ले सीधा रोजगार देहे के संग ही उंखर आमदनी के स्थायी साधन मन ल अऊ मजबूत करे जावत हे।
जिला पंचायत जांजगीर ले प्राप्त जानकारी के अनुसार महात्मा गांधी राष्ट्रीय ग्रामीण रोजगार गारंटी योजना अंतर्गत ए बछर जिला म अब तक 1 लाख 63 हजार 500 परिवार मन के करीब 3 लाख 263 हजार श्रमिक मन ल काम देहे गए हे। मनरेगा के तहत 49 लाख ले जादा मानव दिवस के सृजन कर 91 करोड़ 33 लाख रूपिया के मजदूरी के भुगतान करे गए हे। जिला म ए बछर 3793 परिवार मन ल 100 दिन के रोजगार देहे गए हे। वन अधिकार पट्टाधारी 17 परिवार मन ल 100 दिन के रोजगार उपलब्ध कराए गिस। मनरेगा अभिसरण ले धान उपार्जन केन्द्र मन म 720 पक्का चबूतरा के निर्माण स्वीकृत करे गए हे जेमां ले 711 कार्य पूर्ण हो चुके हे। वित्तीय वर्ष 2020-21 म जिला म 26 नवीन पंचायत भवन निर्माण कार्य स्वीकृत करे गए हे जेमां ले 16 कार्य पूर्ण हो चुके हे अऊ 10 कार्य प्रगतिरत हे। वित्तीय वर्ष 2020-21 म जिला म तरिया गहरीकरण के 602 कार्य, निजी डबरी निर्माण के 40 कार्य अऊ नवा तरिया निर्माण के 79 कार्य स्वीकृत कर कराए जावत हे।
