स्वास्थ्य सेवा के सुदृढ़ीकरण बर मुख्यमंत्री के दूरदर्शी पहल

मुख्यमंत्री श्री विष्णु देव साय ह आधुनिक एम्बुलेंस ल देखाइन हरी झंडी: ग्रामीण इलाका मन ल मिलही आपातकालीन स्वास्थ्य लाभ
सीएसआर निधि ले प्रदत्त एम्बुलेंस म उपलब्ध हे बेसिक लाइफ सपोर्ट समेत आधुनिक सुविधा
जशपुर, मुख्यमंत्री श्री विष्णु देव साय ह आज जशपुर जिला के ग्राम बगिया स्थित कैम्प कार्यालय परिसर ले अत्याधुनिक सुविधा वाले एम्बुलेंस ल हरी झंडी देखाके रवाना करिन। ये एम्बुलेंस बैंक ऑफ इंडिया से कॉर्पोरेट सामाजिक उत्तरदायित्व (CSR) निधि ले प्रदत्त हे, जेमां बेसिक लाइफ सपोर्ट सिसटम संग आन उन्नत सुविधा उपलब्ध कराए गए हे।
ये एम्बुलेंस मुख्य रूप ले मनोरा क्षेत्र म स्वास्थ्य सुविधा उपलब्ध कराए बर रखे जाही, जेकर सेवा जरूरत मुताबिक पूरा जिला म लेहे जा सकही। एखर से आपातकालीन परिस्थिति मन म जल्दी चिकित्सा परिवहन सेवा ठउका हो सकही, जेखर से खासकर ग्रामीण अऊ दूरस्थ क्षेत्र मन म गंभीर रूप ले बीमार अऊ दुर्घटनाग्रस्त मरीज मन ल समय म स्वास्थ्य सहायता मिल सकही।
मुख्यमंत्री श्री साय ह ए बेरा म कहिन के राज्य सरकार हर मनखे तक गुणवत्तापूर्ण अऊ जल्दी स्वास्थ्य सेवा पहुँचाए बर बाना उंचाए हे। उंखर पहल म विशेष रूप ले ग्रामीण अऊ दूरवर्ती क्षेत्र मन म स्वास्थ्य अधोसंरचना ल सुदृढ़ करे बर बहुत अकन योजना चालू करे गए हे। उमन बताइन के कुनकुरी म मेडिकल कॉलेज अऊ 50 बिस्तर वाला मातृ अऊ शिशु अस्पताल, जशपुर म प्राकृतिक चिकित्सा अऊ फिजियोथेरेपी केंद्र, शासकीय नर्सिंग कॉलेज अऊ शासकीय फिजियोथेरेपी कॉलेज के स्थापना के काम प्रगति म हे।
ए बेरा म सरगुजा विकास प्राधिकरण के उपाध्यक्ष श्रीमती गोमती साय, जशपुर विधायक श्रीमती रायमुनी भगत, जिला पंचायत अध्यक्ष श्री सालिक साय, जिला पंचायत उपाध्यक्ष श्री शौर्य प्रताप सिंह जूदेव, नगर पालिका अध्यक्ष श्री अरविंद भगत, नगर पालिका उपाध्यक्ष श्री यश प्रताप सिंह जूदेव, कलेक्टर श्री रोहित व्यास, संग बहुत अकन जनप्रतिनिधिगण, प्रशासनिक अधिकारी, अऊ गणमान्य नागरिक उपस्थित रहिन।