‘मोर गांव, मोर पानी‘ महा अभियान: जल संरक्षण बर कांकेर म जोरदार पहल

उन्मुखीकरण अउ प्रशिक्षण कार्यक्रम ले गांव वाले मन ल मिलत हे ज्ञान, हर ग्राम पंचायत के जनभागीदारी ले जागरूकता बाढि़स
कांकेर, छत्तीसगढ़ शासन के हुकुम के मुताबिक कांकेर जिला म “मोर गांव, मोर पानी” महा अभियान पूरा उत्साह के संग चलाए जात हे। जिला कलेक्टर श्री निलेश कुमार महादेव क्षीरसागर ह बताइस के ए अभियान के उद्देश्य वर्षा जल के संरक्षण करके ओला जन आंदोलन के रूप दे जाही। इही कड़ी म जिला के सबो 454 ग्राम पंचायत मन म 5 जून तक चार दिवसीय उन्मुखीकरण अउ प्रशिक्षण कार्यक्रम आयोजित करे जात हे।
ए जल संरक्षण महा अभियान प्रशिक्षण म ग्राम पंचायत मन के सरपंच, सचिव, रोजगार सहायक, बिहान समूह के महिला अउ जल संरक्षण ले जुड़े कई ठन विभाग मन के अधिकारी भाग लेवत हें। ओ मन ल जल संचयन के उन्नत तकनीक के जानकारी देहे जात हे।