भेंट-मुलाकात अभियान के बेरा म स्वामी आत्मानंद स्कूल के लइका मन ले रू-ब-रू होइन मुख्यमंत्री
लइका मन ह मुख्यमंत्री ले पूछिन चुटीला अऊ रोचक सवाल
रायपुर, छत्तीसगढ़ के मुख्यमंत्री श्री भूपेश बघेल के आज ले प्रदेश के सबो 90 विधानसभा क्षेत्र म भेंट-मुलाकात अभियान शुरू होइस। भेंट-मुलाकात अभियान के शुरुआत मुख्यमंत्री श्री बघेल ह छत्तीसगढ़ के उत्तरी जिला बलरामपुर ले करिन। ये दौरान बलरामपुर जिला के कुसमी पहुंचे मुख्यमंत्री स्वामी आत्मानंद स्कूल के लइका मन ले रूबरू होइन। उमन लइका मन ले उंखर नाम अऊ कक्षा पूछत पढ़ाई ल लेके बातचीत करिन। स्कूली लइका मन ले आत्मीयतापूर्ण बातचीत करत मुख्यमंत्री ल देख के एक छात्रा वर्षा ह घलोक उत्सकुता दिखाईस अऊ उंखर से फिटनेस के राज पूछ लीन। मुख्यमंत्री श्री बघेल ह घलोक बड़ सहजता ले छात्रा के उत्सुकता के जवाब दीन। उमन अपन फिटनेस मंत्रा ल शेयर करत बताइन कि किसानी, योगा अऊ तैराकी के सेती ये संभव हो पाए हे। मुख्यमंत्री ह लइका मन ल घलोक फिटनेस टिप्स देवत रोजाना योगा अऊ व्यायाम करे के सलाह दीन। स्कूल के आन लइका मन ह घलोक कई चुटीला अऊ रोचक सवाल मुख्यमंत्री ले पूछिन, जेकर जवाब घलोक ओ मन ल मिलीस।
