मुख्यमंत्री श्री बघेल ह प्रदेश म 4 नवा अनुविभाग अउ 23 नवा तहसील मन के करिन शुभारंभ

राज्य म अब कुल 100 अनुविभाग अऊ 202 तहसील
रायपुर, मुख्यमंत्री श्री भूपेश बघेल के सियानी म राज्य सरकार ह प्रदेश म प्रशासनिक विकेन्द्रीकरण के तहत जनता अऊ शासन-प्रशासन के बीच के दूरी ल कम करे बर लगातार काम करत हे। इही उद्देश्य ले मुख्यमंत्री श्री बघेल ह आज अपन निवास कार्यालय म आयोजित कार्यक्रम म प्रदेश म 4 नवा राजस्व अनुविभाग अउ 23 नवा तहसील मन के शुभारंभ करिन। अभी हाल म छत्तीसगढ़ प्रदेश म कुल 96 अनुविभाग हे अऊ तहसील मन के संख्या 179 हे। नवा अनुविभाग अउ तहसीलों के चालू होए ले शासकीय योजना मन के सुचारू रूप ले क्रियान्वयन अउ प्रशासनिक कामकाज म कसावट लाय म सुविधा होही।
मुख्यमंत्री श्री बघेल ह जगदलपुर जिला म तोकापाल, गौरेला-पेंड्रा-मरवाही जिला म मरवाही, सूरजपुर जिला म भैयाथान अऊ गरियाबंद जिला म मैनपुर अनुविभाग के शुभारंभ करिन। अइसनहे नवा तहसील म बिलासपुर जिला म सीपत अऊ बोदरी, गौरेला-पेंड्रा-मरवाही जिला म सकोला (कोटमी), जांजगीर-चांपा जिला म अड़भार, रायगढ़ जिला म सरिया अऊ छाल, कोरबा जिला म बरपाली, अजगरबहार अऊ पसान, बलरामपुर-रामानुजगंज जिला म चांदो, रघुनाथनगर अऊ डोरा-कोचली, सूरजपुर जिला म बिहारपुर, बलौदाबाजार-भाटापारा जिला म सुहेला अऊ भटगांव, दुर्ग जिला म अहिवारा, बेमेतरा जिला म नांदघाट, उत्तर बस्तर कांकेर जिला म सरोना, दक्षिण बस्तर दंतेवाड़ा जिला म बारसूर, बीजापुर जिला म कुटरू अऊ गंगालूर, नारायणपुर जिला म छोटे डोंगर अऊ कोहकामेटा सामिल हे।
4 नवा अनुविभाग ले अब प्रदेश म कुल 100 अनुविभाग होही अऊ 23 नवा तहसील के गठन ले अब प्रदेश म कुल 202 तहसील होही। नवा अनुविभाग अऊ तहसील के शुभारंभ अवसर म विधानसभा अध्यक्ष डॉ चरणदास महंत, पूर्व राज्य सभा सांसद श्री पी. एल. पुनिया, राजस्व मंत्री श्री जयसिंह अग्रवाल, गृहमंत्री श्री ताम्रध्वज साहू, कृषि मंत्री श्री रविंद्र चौबे, नगरीय प्रशासन मंत्री डॉ. शिव कुमार डहरिया, आबकारी मंत्री श्री कवासी लखमा, महिला एवँ बाल विकास मंत्री श्रीमती अनिला भेंडिया, खाद्य मंत्री श्री अमरजीत भगत, वनमंत्री श्री मोहम्मद अकबर, लोक स्वास्थ्य यांत्रिकी मंत्री गुरु रूद्रकुमार, संसदीय सचिव अऊ विधायक, मुख्य सचिव श्री अमिताभ जैन, अपर मुख्य सचिव श्री सुब्रत साहू अउ वरिष्ठ प्रशासनिक अधिकारी घलोक उपस्थित रहिन।