जिला के चौथइया अनुविभाग सहसपुर लोहारा के मुख्यमंत्री श्री भूपेश बघेल ह करिस विधिवत शुभारंभ

कबीरधाम, मुख्यमंत्री श्री भूपेश बघेल ह आज अपन प्रदेशव्यापी भेंट-मुलाकात के कबीरधाम जिला के प्रवास के बेरा म सोमवार के विकासखण्ड मुख्यालय सहसपुर लोहारा म नवीन राजस्व अनुविभाग मुख्यालय कार्यालय के शुभारंभ करिन। ये मौका म जिला के प्रभारी मंत्री श्री टीएस सिंहदेव, कैबिनेट मंत्री श्री मोहम्मद अकबर, पंडरिया विधायक श्रीमती ममता चंद्राकर, कलेक्टर श्री जनमेजय महोबे अउर क्षेत्रीय जनप्रतिनिधि विशेष रूप ले उपस्थित रहिनि।
क्षेत्रवासी मन ल प्रशासनिक सुविधा अऊ वनांचल, दूर-दराज के गांव वाले मन के सुविधा बर सहसपुर लोहारा म अनुविभाग कार्यालय के विधिवत शुभारंभ के संग गांव वाले मन के लंबा समय के मांग ल मुख्यमंत्री श्री बघेल ह पूरा करिन। कैबिनेट मंत्री श्री मोहम्मद अकबर के विशेष प्रयास ले ये उपलब्धि क्षेत्रवासी मन ल मिले हे। मुख्यमंत्री श्री भूपेश बघेल ह आज तहसील सहसपुर लोहारा ल अनुविभाग के स्वरूप देके एकर शुभारंभ करके क्षेत्रवासी मन ल सहसपुर लोहारा के अनुविभाग बने म बधाई अउ शुभकामना दीन।