ड्रोन बिसाए बर किसान मन ल मिलही ५ लाख तक सब्सिडी

नई दिल्‍ली, किसान मन के आर्थिक हालत अऊ बढि़या हो सकय ए खातिर सरकार कई प्रकार के योजना उपर काम करत हे। इही कड़ी म अब केंद्र सरकार कृषि म ड्रोन के उपयोग ल बढ़ावा देहे बर 50 प्रतिशत तक के सब्सिडी देवत हे। कृषि मंत्री नरेंद्र सिंह तोमर के बताती सरकार किसान मन ल जादा ले जादा सुविधा प्रदान करे, कृषि लागत घटाय अऊ किसान मन के आय बढ़ाय बर ड्रोन उपयोग ल बढ़ावा देवत हे, ते पाए के ड्रोन बिसाए बर कई वर्ग के किसान मन ल छूट घलोक प्रदान करे जात हे। पूर्वोत्तर राज्य मन के अनुसूचित जाति-अनुसूचित जनजाति, लघु अऊ सीमांत, महिला अऊ किसान मन ल ड्रोन बिसाए बर 5 लाख के सब्सिडी देहे जात हे, उहें आन किसान मन ल 40 प्रतिशत या अधिकतम 4 लाख रूपिया तक के आर्थिक सहायता देहे जाही।