सफलता के कहानी: पीएम सूर्यघर ले सूरज देही बिजली, बदलही जिंदगी

सिरिफ विटामिन डी न ही, जीवन के आधार हे सुरज के अंजोर
कोरबा, देश ल ऊर्जा आत्मनिर्भर बनाए अऊ हर घर तक स्वच्छ, सस्ता अऊ सरलग बिजली पहुँचाए खातिर प्रधानमंत्री श्री नरेंद्र मोदी ह प्रधानमंत्री सूर्यघर मुफ्त बिजली योजना शुरू करे हे। ये महत्वाकांक्षी योजना नागरिक मन ल बिजली बिल ले हमेशा बर राहत देवात हे, संगेच परिवार मन ल आत्मनिर्भर बनात पर्यावरण संरक्षण म घलोक क्रांतिकारी योगदान देवत हे। छत्तीसगढ़ म ए योजना के क्रियान्वयन मुख्यमंत्री श्री विष्णु देव साय के मार्गदर्शन म बहुत प्रभावी अऊ संवेदनशील ढंग ले करे जात हे। मुख्यमंत्री के अगुवई म प्रदेश म सौर ऊर्जा ल अपनाए के गति तेज हो गए हे।
देश के “पावर कैपिटल” कोरबा जिला म प्रधानमंत्री सूर्यघर योजना के प्रभाव विशेष महत्व रखथे। इहां बहुत अकन परिवार ए योजना के लाभ उठाके हर महीना बचत करत हे अऊ बिजली बिल आए जाय के झमेला ले मुक्‍त होवत हें। इही मन म ले एक प्रेरक उदाहरण हे नकटीखार, कोरबा के रहवइया रंजीत कुमार हे, जे ह अपन परिवार के जीवन म ऊर्जा क्रांति के मार्ग प्रशस्त करे हे।
श्री रंजीत कुमार जेन एसईसीएल, कुसमुंडा म डंपर ऑपरेटर के रूप म कार्यरत हे, मेहनतकश मनखे हे। हरेक महीना अवइया बिजली बिल, परिवार के रोजमर्रा के जरूरत अऊ लइका मन के पढ़ई के खरचा के बीच बिजली बिल अक्सर वोखर परिवार के बजट ल बिगाड़ देवत रहिस। ते पाय के जब प्रधानमंत्री सूर्यघर योजना के जानकारी वोला मिलीस त वो ह तुरंते आवेदन करके एकर लाभ उठाए के सोंचिस। दू महिना पहिली आवेदन करके वो ह अपन घर के छत म सोलर पैनल सिसटम लगवाइस। जेकर कुल लागत लगभग 2 लाख 10 हजार रुपिया आइस, 78 हजार रुपिया केंद्र सरकार के सब्सिडी पहिलीच मिल गे हे। बांचे पइसा ल वो ह सस्ता अउ आसान दर म लोन लीस अऊ कुछ नकद भुगतान करिस। सिरिफ कुछ हफ्ता म ये निवेश वोखर जीवन बर सबले बड़का वरदान साबित होइस। पहिली जिहां वोखर घर के बिजली बिल हर महीना एक हजार रुपिया तक पहुँच जात रहिस, उहें अब सौर ऊर्जा के सेती घर के मासिक बिल मात्र 130 रुपिया आवत हे।
प्रधानमंत्री सूर्यघर योजना केवल परिवार मन के आर्थिक स्थिति सुधारे तक सीमित नइ हे, बल्कि ये प्रकृति अऊ पर्यावरण के घलोक बड़का संगवारी हे। सौर ऊर्जा ले कोयला अऊ डीज़ल जइसे पारंपरिक ईंधन मन उपर निर्भरता कम होथे, संगेच वायु प्रदूषण म घलोक भारी कमी आथे। कोरबा जइसे औद्योगिक जिला म, जेमां कोयला आधारित बिजली उत्पादन बड़ पैमाना म होथे, उहां सौर ऊर्जा के बढ़त उपयोग पर्यावरण संरक्षण म ऐतिहासिक योगदान हे। परिवार मन ल बिजली बिल ले मुक्ति मिलत हे, घर मन म रोशनी अऊ उपकरण मन के संचालन संभव होवत हे, मनखे ऊर्जा आत्मनिर्भरता कोति बढ़त हे।
श्री कुमार अऊ वोखर परिवार ह बताइस “अब हमला बिजली बिल के चिंता नइ रहय। सौर पैनल ह हमर जिंदगी आसान बना देहे हे। लइका मन के पढ़ाई बाधित नइ होवय अऊ घर के उपकरण घलोक बिना रुकावट चलथे।
आज उंखर घर रोशन हे संगेच ऊर्जा बचत अऊ पर्यावरण संरक्षण के दिशा म एक आदर्श घलोक बन गए हे। प्रधानमंत्री सूर्यघर योजना के सशक्त क्रियान्वयन ले आमजनता के जीवन बदलत हे। ये योजना उन हजारों परिवार मन बर प्रेरणा हे, जेन अब तक बिजली के स्थाई उपाय खोजत रहिन। पीएम सूर्यघर योजना ह ओ मन ल आत्मनिर्भरता, आर्थिक मजबूती अऊ स्वच्छ ऊर्जा के रद्दा देखाए हे।