धमतरी: संघर्ष ले बदलाव तक सरोज के यात्रा

’’ये सिरिफ पानी नो हे, हम सबो बर जीवन, सम्मान अऊ उज्जवल भविष्य ये’’
जल जीवन मिशन के तहत परिवर्तनकारी सौर आधारित जल योजना ह बदलीस केकराडोंगरी के दशा अऊ दिशा

धमतरी, वनांचल नगरी विकासखण्ड के 15 घर वाले छोटकुन गांव केकराडोंगरी एके हैण्डपम्प म निर्भर रहिस, जेन अक्सर खराब रहय। इही गांव के 40 बछर के उत्साही महिला सरोज मरकाम बताथे के वोखर गांव म पानी ल लेके लंबा लेन अऊ विवाद आम बात रहिस, खासकर गर्मी म जब जलस्त्रोत सूख जाए तब। सरोज बताथे के वो सूरूज उए ले पहिली उठत रहिस ताकि ओखर परिवार ल दिनभर भरपूर पानी मिल सके। हैण्डपम्प ल टेंड के पानी डोहरई शारीरिक रूप ले थका देवइया रहय। एती अपन खेत या लइका मन उपर ध्यान केन्द्रित करे बर कम समय बचत रहिस। स्वच्छ पेयजल एक विलासिता रहिस अऊ दूषित पानी ले होवइया बीमारी अक्सर होवय, जीवन एक अंतहीन संघर्ष जइसे महसूस होवय।
अइसन म जल जीवन मिशन के तहत परिवर्तनकारी सौर आधारित जल योजना आईस। ए काम बर विभागीय अधिकारी, कर्मचारी गांव पहुंचिन अऊ हर घर म कार्यात्मक घरेलू नल कनेक्शन (एफएचटीसी) प्रदान करे बर सौर पैनल स्थापित करिन अऊ पाईपलाईन बिछाईन। स्वच्छ पानी जब घर तक पहुंचीस वो ह सरोज के जीवन बदल दीस।