जशपुरनगर, मुख्यमंत्री श्री विष्णुदेव साय के हुकुम के मुताबिक जिला म जल जीवन मिशन के काम मन लउहे-लउहे होवत हे। डांडपानी झारखण्ड सीमा ले लगे गांव हे जेमां जल जीवन मिशन ले कुल चार सोलर एकल ग्राम योजना स्थापित करे गए हे जेखर माध्यम ले 137 क्रियाशील घरेलु नल म जल देहे जात हे अउ कुल 143 एफएचटीसी म जल के आपूर्ति करे जाना हे हर एक योजना म 5000 ली. के 2 टंकी मने 10000 लीटर के टंकी स्थापित करे गए हे।
जिला मुख्यालय जशपुर ले लगभग 35 कि.मी. दूरी अउ मुख्य राज्य मार्ग ले 18 कि.मी. दूरी म जंगल ले घिरे विकासखंड दुलदुला के ग्राम डांडपानी। जेमां कुल 143 क्रियाशील घरेलु नल कनेक्शन हे जेमां 137 एफएचटीसी म पानी आपूर्ति करे जात हे अउ बचे नल मन म घलोक जल्दीच काम पूरा हो जाही।
जल जीवन मिशन के आए के पहिली गांव वाले मन अपन पानी के दैनिक जरूरत मन बर हैंडपंप, कुंवा अउ नदीया उपर निर्भर रहत रहिन, मुख्यतः महिला मन पानी भरे के काम करत रहिस। जेमां अड़बड़ समय लग जात रहिस अउ गर्मि के मौसम म जल स्तर के नीचे जाय ले नलकूप म पानी नी आए या नइ आए के समस्या अउ बारिश म पानी ले तबीयत जादा खराब होए के समस्या रहय।
जल जीवन मिशन के आए के बाद अब गांव के घर-घर तक नल ले पानी आवत हे जेखर से अब पानी भरे के समस्या खतम हो गे हे अउर गांव वाले मन के दिन के काफी समय बचत हे। योजना के अंतर्गत अब पानी जांच करके उपयोग म लाए जात हे जेखर से जल जनित बीमारी जइसे हैजा, उल्टी, दस्त आदि म अड़बड़ कमी आए हे। आज के स्थिति म योजना के चालू होए लगभग 3 महीना हो गे हे अउ कुछ काम प्रगतिरत हे। जऊन जल्दी पूरा कर लेहे जाही। पानी घर-घर तक आए ले सबो ग्रामीण खुश हे अऊ मुख्यमंत्री अउ जिला प्रशासन ल धन्यवाद देहे हें।