राज्यपाल सुश्री उईके महारानी अस्पताल जगदलपुर म आयोजित निःशुल्क स्वास्थ्य परीक्षण अउर निदान शिविर म होइन सामिल
रायपुर, 20 फरवरी 2020। निःशुल्क स्वास्थ्य परीक्षण शिविर गरीब अउ कमजोर वर्ग के मनखे मन बर बहुत उपयोगी हे। हमार समाज के अइसन मनखे जऊन बीमारी ले ग्रसित होए के बाद घलोक अपन खराब आर्थिक स्थिति के कारण बड़े शहर अउ अस्पताल जाके अपन इलाज नइ करा पावयं, अइसे मनखे मन बर ये शिविर बहुत ही लाभप्रद साबित होही। ये बात राज्यपाल सुश्री अनुसूईया उईके ह कहिन। राज्यपाल कालड़ा मल्टीस्पेशलिटी हॉस्पिटल रायपुर कोति ले आज महारानी अस्पताल जगदलपुर म आयोजित निःशुल्क स्वास्थ्य परीक्षण अउर सर्जरी शिविर ल संबोधित करत रहिन।
