रइपुर, 03 अप्रैल 2021 शनिच्चर। वर्तमान म कोरोना वैश्विक महामारी के कारण स्कूल मन बंद हे। अइसन स्थिति म राज्य शासन कोति ले लइका मन के पढ़ई ल सरलग जारी रखे बर कइयो ठिन उदीम करे जावत हे। जेमा प्रिंट रिंच वातावरण, सहायक शिक्षण सामग्री (टी.एल.एम. मेला), अंगना म शिक्षा, स्थानीय भाषा मन म सामग्री निर्माण, आदि विधि ले लइका मन ल पढ़ई देहे के अभियान जारी हवय। इही लड़ी म दक्षिण बस्तर (दंतेवाड़ा) जिला के गांव-गांव म प्रिंट रिंच वातावरण तैयार करके हरेक गली मोहल्ला म वाल पेंटिंग करके पढ़ई के मुहिम चलाए जावत हे। जउन लइका मन ल अपन पढ़ई सरलग राखे म मददगार होवत हावय। पढ़ई के लड़ी ल फेर जोड़े अउ बुनियादी शिक्षा जारी रखे के उद्देश्य ले छत्तीसगढ़ स्कूल शिक्षा विभाग कोति ले गली मोहल्ला गांव म प्रिंट रिंच वातावरण तियार करे जाए बर सबो जिल मन म पाती जारी करे गे हे।
एमा लइका मन खेल-खेल म पढ़ना सीखत हावय अउ वर्तमान म ये प्रयोग कोरोना काल म गांव के भीथिया मन लइका मन ल पहिलावत पढ़ई ले जोड़े म अबड़े मददगार साबित होवत हावय ।
