रायपुर। राजधानी के शंकरनगर ओवरब्रिज के तिर एक व्यक्ति ह पेड़ म फांसी लगाके आत्महत्या करले हे. ये खौफनाक कदम उठाये के पीछे के का कारण हे? एखर पता नई चल सके हे. मामला खम्हारडीह थाना इलाका के हे.
जानकारी के अनुसार मृतक के पहचान रवि कुमार डोंगरे (40 साल) के रूप म होय हे अउ पास के ही आर 13 नंबर बंगला म काम करत रहिस. बिहनिया 10 बजे पुलिस ल सूचना मिलिस कि खाली प्लाट म आमा के पेड़ म एक लाश लटकत हे. मौका म पहुंचे पुलिस ह शव ल नीचे उतरवाइस अउ पंचनामा कर पोस्टमार्टम बर भेज दे हे. फिलहाल खुदकुशी के कारण अज्ञात हे अउ पुलिस मामला के जांच करत हवय।
40 साल के व्यक्ति ह पेड़ म फांसी लगाके करिस खुदकुशी, कारण अज्ञात, जांच म जुटीस पुलिस
