सुकमा के किसान के चमकिस किस्मत: एक ठन डबरी ले कमाई होइस दुगुना, अब साल भर म कमावत हे लाखो रूपिया!

सुकमा, मनरेगा योजना ह कइसे गरीब किसान के दिन फेर देथे, येकर ताज़ा उदाहरण सुकमा जिला के ग्राम पंचायत रामाराम म देखे बर मिलिस। इहां के किसान हिरमाराम के जिनगी म एक ठन डबरी (तलाब) ह खुशहाली ला दे हे।
हिरमाराम करा सिरिफ 2 एकड़ जमीन रिहिस। सिचाई के साधन नइ होय के सेती वो ह बस बरसात म खेती कर पावत रिहिस अउ बाकी टेम खेत सूखा परे रहय। फेर जब ओला मनरेगा के जानकारी मिलिस, त ओ ह डबरी बर आवेदन करिस। प्रशासन ह 2 लाख 94 हजार रूपिया मंजूर करिस अउ खेत म डबरी बन गे।

मछरी पालन ले होइस मालामाल:
पहिलीच बरसात म डबरी पानी ले लबालब भर गे। हिरमाराम ह ओमा 5 किलो मछरी के बीजा डारिस। अब खेती के संग-संग ओला मछरी पालन ले साल भर म लगभग 1 लाख 10 हजार रूपिया के अलग ले कमाई होवत हे। हिरमाराम ह मुख्यमंत्री विष्णुदेव साय अउ जिला प्रशासन ला धन्यवाद देवत कहत हे के ये डबरी ह ओकर परिवार के गरीबी दूर कर दीस।