सुकमा , 23 अक्टूबर 2020। छत्तीसगढ़ शासन के महत्वाकांक्षी गोधन न्याय योजना के सफल क्रियान्वयन बर गौठन मन म गोबर खरीदी अऊ के संगेच महिला स्व सहायता समूह मन ल वर्मी खाद उत्पादन के प्रशिक्षण देहे जात हे। महिला स्व सहायता समूह कृषि विभाग के अधिकारी मन के मार्गदर्शन म वर्मी टांका मन म गोबर भराई के काम करके वर्मी खाद तियार करे म जुटे हें। सुदूर वनांचल के सुकमा जिला म कृषि विभाग ह जिला के जम्मो गौठान मन म कार्यरत स्व-सहायता समूह मन ल वर्मी खाद बनाए के संग आन आय मूलक गतिविधि मन के प्रशिक्षण देवत हे। विभाग कोति ले मुख्य रूप ले वर्मी कम्पोस्ट उत्पादन, मशरूम उत्पादन, मुर्गीपालन आदि के प्रशिक्षण समूह मन ल देहे जात हे। सुकमा जिला म सुराजी योजना के तहत बने गौठान मन म करीबन 690 वर्मी टांका बनाए गए हे।
कृषि विभाग के उप संचालक के बताती गोबर ले वर्मी खाद बनाए बर स्व-सहायता समूह मन वर्मी टांका के भराई के काम चालू कर देहे हें। कृषि विभाग ह समूह के महिला मन ल मानक स्तर के वर्मी खाद तियार करे बर प्रशिक्षित करे जात हे। जिला के गौठान मन म अब तक 258 वर्मी टांका म गोबर भराई के काम पूरा कर लेहे गए हे।
