मुख्यमंत्री के संवेदनशीलता ले आगी ले झुलसे सुकान्तिबाई के पांव के सफल सर्जरी होइस

रायपुर, 11 फरवरी 2024। सहज, सरल व्यक्तित्व के धनी मुख्यमंत्री श्री विष्णु देव साय ले ऊंखर क्षेत्र के मनखे मन के आत्मीय संबंध हे, छोटे-मोटे कोनो जरूरत होए म मनखे मन बिना कोनो संकोच के मुख्यमंत्री ले मिलके ओ मन ल अपन परेशानी बताथें, मुख्यमंत्री घलोक मनखे मन के परेशानी दूर करे बर भरसक प्रयास करथे।
बगिया के कैंप कार्यालय म कुछ समय पहिली कुनकुरी तहसील के ग्राम गोरिया निवासी नंदकुमार चौहान ह बताइए रहिस के वोखर पत्नी सुकांती बाई 2019 म आगी ले झुलस गए रहीस तेखर सेती वो ह चल-फिर नइ सकय। मुख्यमन्त्री श्री साय ह सुकांती बाई के पांव के इलाज बर एम्बुलेंस भेज के रायपुर के डीकेएस अस्पताल म भर्ती कराइस अऊ चिकित्सक मन ल बेहतर इलाज करे के निर्देश दीन।
मुख्यमंत्री श्री विष्णु देव साय ह आज कैंप कार्यालय के शुभारंभ के मौका म सुकान्ति बाई ले फोन के माध्यम ले हाल-चाल लेके वोखर शीघ्र स्वस्थ्य होए के कामना करिन। मुख्यमंत्री जरूरतमंद मनखे मन के मसीहा के रूप म सबो के सहायतार्थ काम करत हे।