पीएम विश्वकर्मा योजना ले चिरमिरी के सुमन ज्योति बनिस आत्मनिर्भर, मिलिस सिलाई मशीन

CHHATTISGARHI NEWS: मनेंद्रगढ़-चिरमिरी-भरतपुर (MCB), प्रधानमंत्री विश्वकर्मा योजना देश भर के पारंपरिक कारीगर मन बर वरदान साबित होत हवय, जेकर से लोगन मन ल रोजगार के नवा साधन मिलम हे अउ उंखर आर्थिक स्थिति सुधरत हवय। इही कड़ी म छत्तीसगढ़ के चिरमिरी क्षेत्र के रहइया सुमन ज्योति के जिनगी म घलो प्रधानमंत्री विश्वकर्मा योजना ले एक बड़े बदलाव आए हवय। सुमन ज्योति ल ए योजना के तहत सिलाई मशीन मिले हवय, जेकर से वोहा अपन घर बइठेच सिलाई के काम शुरू करके आत्मनिर्भर बनगे हवय।
पहिली सुमन ज्योति ला आर्थिक तंगी अउ कई किसिम के पारिवारिक चुनौती मन के सामना करे बर परत रहिस। आमदनी के कोनो निश्चित जरिया नइ होने के सेती घर चलाना कठिन होवत रहिस। फेर जब उनला प्रधानमंत्री विश्वकर्मा योजना के बारे म पता चलिस, त वोहा ए योजना बर आवेदन करिस। योजना के तहत मिले व्यवस्थित ट्रेनिंग अउ सिलाई मशीन से वोखर जिनगी बदलगे। अब वो हा घरे म ही कपड़ा सिलाई के काम करके बढ़िया आमदनी कमावत हवय।
सिलाई के काम शुरू होए के बाद आसपास के ग्रामीण महिला मन अउ लोगन मन कपड़ा सिलाई बर वोखर घर आए लगे हवय। एखर से सुमन ल नियमित रूप ले काम अउ पैसा मिलत हवय। अब वोला कोनो दूसर ऊपर निर्भर रहे के जरूरत नइ परत हे। अपन मेहनत अउ लगन के बल बूता म सुमन ज्योति आज एक सफल महिला उद्यमी के रूप म अपन चिन्‍हारी बनावत हवय।
ए सफलता खातिर सुमन ज्योति प्रधानमंत्री नरेंद्र मोदी अउ शासन के प्रति आभार व्यक्त करत हवय। उनकर कहना हवय के ए योजना न सिर्फ उनला आर्थिक रूप ले मजबूत करे हवय, बल्कि समाज म सम्मान के संग जिए के रद्दा घलो देखाए हवय। सुमन ज्योति के ए कहानी छत्तीसगढ़ के दूसर महिला मन बर घलो प्रेरणा के स्रोत बनगे हवय, जेन ये बताथे के सही मार्गदर्शन अउ सरकारी मदद मिल जाए त कतको साधारण महिला मन घलव असाधारण सफलता हासिल कर सकथें।