उत्कृष्ट काम करइया निरीक्षक अऊ उप निरीक्षक मन ल मिलही इनाम
रायपुर, एक अकटूबर 2019/राज्य शासन कोति ले पुलिस विभाग के निरीक्षक मन अऊ उप निरीक्षक मन बर सुपर 150 इनाम योजना शुरू करे गए हे। ये योजना के तहत प्रदेश के मैदानी अउ नक्सल प्रभावित क्षेत्र मन म उत्कृष्ट काम करइया 150 निरीक्षक मन अऊ उप निरिक्षक मन ल जनवरी 2020 म पुरस्कृत करे जाही। सुपर 150 योजना के तहत नक्सल प्रभावित बस्तर रेंज के 7 जिला मन संग राजनांदगांव जिला म कार्यरत 100 निरीक्षक मन अऊ उपनिरीक्षक मन ल उत्कृष्ट काम बर इनाम दे जाही। एखर अलावा बांचे 19 जिला मन म उत्कृष्ट काम करइया 50 निरीक्षक मन अऊ उप निरीक्षक मन ल इनाम देहे जाही। नक्सल प्रभावित अऊ मैदानी क्षेत्र मन म कार्यरत अधिकारी मन ल ऊंखर काम के मूल्यांकन के बाद सुपर 150 योजना बर चुने जाही। चुने गए 150 अधिकारी मन ल जनवरी 2020 म प्रदेश के राजधानी म होवईया पुलिस के वार्षिक कार्यक्रम म इनाम देहे जाही।
नक्सल क्षेत्र मन म चयन बर निरधारित मापदण्ड मन म नक्सल आसूचना संकलन के क्षेत्र म करे गए उत्कृष्ट काम, नक्सल विरोधी अभियान, सामुदायिक पुलिसिंग के दिशा म, नक्सल थाना अउ कैम्प के रख-रखाव अउ सुरक्षा के दिशा म करे गए उत्कृष्ट काम। सक्रिय नक्सली के आत्म समर्पण के क्षेत्र म करे गए उत्कृष्ट काम। नक्सल क्षेत्र मन म चलत महत्वपूर्ण विकास काम मन ल सुरक्षित रूप ले पूरा कराये के दिशा म करे गए उत्कृष्ट काम। फोर्स के प्रशिक्षण अऊ बल प्रबंधन अउ रक्षित केन्द्र के रख-रखाव के क्षेत्र म करे गए उत्कृष्ट काम मन ल सामिल करे गए हे।
मैदानी क्षेत्र मन म सुपर 150 योजना बर चयन के मापदण्ड म संबंधित अधिकारी के सामान्य फोटू, अपराध विवेचना, अपराध के नियंत्रण, महिला अउ लइका मन के सुरक्षा, अनुसूचित जाति अउ अनुसूचित जनजाति के विरूद्ध करे गंभीर अपराध के विवेचना, गंवा गए बालक-बालिका के तलाश, बरामदगी, मानव तस्करी, अनियमित वित्तीय कंपनी के विरूद्ध दर्ज प्रकरण अऊ गंभीर कानून व्यवस्था के स्थिति म करे गए असाधारण काम। संबंधित अधिकारी के थाना म रिकार्ड रख-रखाव, सामुदायिक पुलिसिंग क्षेत्र, सनसनी खेज अपराध ल सुलझाए, वारंट तामीली, आरोपि मन के गिरफ्तारी, यातायात संचालन अउ नियंत्रण, बल प्रबंधन अउ रक्षित लाईन के रख-रखाव, नवाचार अउ पुलिस के छबि ल सुग्घर बनाए अउ पुलिस के विश्वसनीयता बढ़ाए के दिशा म करे गए उत्कृष्ट काम सामिल हे। ए मापदण्ड के मुताबिक जऊन अधिकारी उत्कृष्ट काम करे हे, ओ मन खुद अपन काम मन के वरनन करत सुसंगत कागद मन के संग अपन आवेदन संबंधित जिला के पुलिस अधीक्षक के आगू प्रस्तुत कर सकत हें। सुपर 150 योजना के संबंध म जरूरी कार्रवाई बर पुलिस मुख्यालय, छत्तीसगढ़ कोति ले प्रदेश के रेल संग सबो पुलिस अधीक्षक मन ल पत्र भेजे गए हे।
