मुख्यमंत्री श्री भूपेश बघेल ह किसान मन बर सुपर कम्पोस्ट खाद करिन लॉच

उच्‍च जैविक विशेषता वाले सुपर कम्पोस्ट खाद के कीमत 6 रूपिया किलो
रायपुर, 21 मई 2021। मुख्यमंत्री श्री भूपेश बघेल ह राज्य के गौठानमन म गोधन न्याय योजना के तहत क्रय करे जात गोबर ले बने उच्‍च जैविक गुण ले भरपूर सुपर कम्पोस्ट खाद ल राज्य के किसान मन बर लॉच करिन। किसान मन ल रियायती दर म उच्‍च जैविक विशेषता वाले सुपर कम्पोस्ट खाद सहकारी समिति मन म 02 किलो, 05 किलो अऊ 30 किलो के बैग म मिलही। जेखर कीमत 6 रूपिया किलो हे। गौठान मन म गोबर ले वर्मी कम्पोस्ट के संगें-संग अब सुपर कम्पोस्ट खाद के घलोक उत्पादन करे जात हे। मुख्यमंत्री श्री भूपेश बघेल ह ये बेरा म गौठान समिति अऊ महिला स्व-सहायता समूह मन ल 3 करोड़ 06 लाख रूपिया के लाभांश राशि के घलोक अंतरण करिन। ये बेरा म विधानसभा अध्यक्ष डॉ. चरणदास महंत संग मंत्रिमंडल के सदस्यगण उपस्थित रहिन।