रायपुर, मुख्यमंत्री श्री भूपेश बघेल ले संझा इहां ऊंखर निवास कार्यालय म सुपरहिट छत्तीसगढ़ी गीत ‘मोहिनी‘ के रचनाकार मन ह सौजन्य मुलाकात करिन। ये बेरा म छत्तीसगढ़ यूथ आर्टिस्ट एसोसिएशन के चेयरमेन सुश्री काजल श्रीवास ह मुख्यमंत्री ल बताइस कि ये गाना अभी यू-ट्यूब चैनल म टॉप 50 म्यूजिक वीडियो म ट्रेंड करत हे। ये पहली छत्तीसगढ़ी गीत हे, जेन ये मुकाम हासिल कर पाए हे। एखर अलावा ये गीत ल अब तक सबले जादा देखे के संग सबसे जादा लाईक अऊ कमेंट्स मिले हे। मुख्यमंत्री श्री बघेल ह ये उपलब्धि बर पूरा टीम ल बधाई अऊ शुभकामनांए दीन। ये बेरा म ‘मोहिनी‘ गीत के गीतकार कंपोजर अउ गायिका सुश्री मोनिका वर्मा अउ गायक श्री तोषांत कुमार मौजूद रहिन।
मुख्यमंत्री श्री बघेल ले सुपरहिट छत्तीसगढ़ी गीत ‘मोहिनी‘ के टीम ह करिस सौजन्य मुलाकात
