मुख्यमंत्री सुपोषण अभियान: गंभीर कुपोषित लईका भियान के लहुटिस मुस्कान

पौष्टिक खान पान अउ देखभाल ले होइस कुपोषण मुक्त
रायपुर, 25 जुलाई 2023
मुख्यमंत्री सुपोषण अभियान के तहत छत्तीसगढ़ ल कुपोषण अउ एनीमिया मुक्त बनाए के हर संभव प्रयास करे जाथ हे। एकर तहत आंगनबाड़ी केन्द्र म लईका अउ महिला मन ल पौष्टिक गरम भोजन दिए जाथ हे। एकर सकारात्मक परिणाम तको दिखे लगे हे। कतको जहन लईका मन के मुख म मुस्कान फेर लहुट ले आईस हे। विगत साढ़े चार साल म लगभग 2 लाख 65 हजार लईका मन ह कुपोषण ले मुक्त होइस हे अउ डेढ़ लाख महिला मन एनीमिया ले बाहिर आइस हे एमा महासमुंद ज़िला के सेक्टर पटपरपाली के साल्टेभाठा पंचायत के बैगा खम्हरिया गांव ले श्रीमती टोमेश्वरी पटेल अउ श्री नारद पटेल के बेटा भियान पटेल घलो हे।
अधिकारी मन ह बताइस के मई 2022 के भियान के वजन लेहे म पता चलिस के उकर वजन 7.200 किलोग्राम हे। उम्र के अनुसार उकर वजन निर्धारित सीमा ले अबड़ कम रहिस हे, तेकर ब ओला गंभीर कुपोषण के श्रेणी म राखे गईस। आंगनबाड़ी केन्द्र म ओला धीरे-धीरे रेडी टू ईट खवाए अउ खिचड़ी खवाए के प्रयास सुरू करे गईस। माता-पिता ल घलो समझाइश दिए गईस। लईका मन के संग खेल खेल म खवाए के प्रयास करे गइस। जेकर से उकर भोजन के प्रति उसकी रूचि बाढ़े लगिस। भियान ल सरलग निगरानी म राख के परिवारजन के निरंतर फॉलोअप करे गईस। एकर से गंभीर कुपोषण के स्तर ले ऊपर उठत हुए भियान 10 अक्टूबर 2022 के मध्यम के श्रेणी म आ गइस। जेकर से उकर परिवार वाले अबड़ खुश होइस अउ उमन के विश्वास घलो बाढिस। अब भियान 7.2 कि. ग्रा. ले 11.9 किग्रा तक बजन बढ़ा के सामान्य स्तर म आ गए हे।
Success story
Neha Rathore