दुर्ग, मुख्यमंत्री सुपोषण अभियान अंतर्गत जिला के 1502 संचालित आंगनबाड़ी केन्द्र मन म कुपोषित लइका मन, गर्भवती अउ शिशुवती महिला मन म कुपोषण के स्तर ल बेहतर बनाए अऊ एनीमिया मुक्ति बर अकतहा पोषण आहार के रूप म आंगनबाड़ी केन्द्र मन म रोजेच गरम भोजन के अकतहा 6 दिन सोया चिक्की अउ हफ्ता म 01 दिन मौसमी फल देहे जात हे। आंगनबाड़ी केन्द्र म गरम जेवन परियोजना अधिकारी अऊ पर्यवेक्षक मन के उपस्थिति म कराए जात हे। आंगनबाड़ी केन्द्र म गर्म गर्भवती/शिशुवती महिला मन के स्वास्थ्य जांच के संगेच ओ मन ल अउ ऊंखर परिवार के सदस्य मन ल परामर्श घलोक देहे जात हे। मुख्यमंत्री सुपोषण अभियान अंतर्गत हितग्राही मन ल देहे जात अकतहा पोषण आहार अउ नियमित स्वास्स्थ्य जांच ले कुपोषण के स्तर म सुधार होवत हे।
परियोजना जामगांव एम परिक्षेत्र सिकोला के ग्राम सिकोला म आंगनबाड़ी केन्द्र नंबर 2 के हितग्राही बालिका कु. प्रतिभा साहू माता श्रीमती केसर साहू पिता संतोष साहू हे। लइका के जन्मतिथि 15/12/2015 हे। जन्म के समय एकर वजन 2.800 ग्राम रहिस। ये नोनी मार्च 2019 ले बीमार अउ कमजोर होए लगिस, जेखर कारण एकर वजन कम होत जात रहिस अऊ नोनी मध्यम कुपोषित के श्रेणी म आ गीस। सितंबर 2019 म ये नोनी ल कुपोषित रहिस अऊ ओखर वजन 11.350 ग्राम अऊ ऊंचाई 94 सेंटीमीटर रहिस।
कार्यकर्ता अऊ पर्यवेक्षक कोति ले बार-बसा बच्ची के इहां गृह भेंट करके नोनी के खान-पान अउ स्वस्थ आदत मन के विषय मन म समझाईस देहे गीस। नोनी के भोजन म सबो जरूरी तत्व मन ल सामिल करे अउ हर दू घण्टा म कुछ ना कुछ खवाए ल प्रेरित करे बर कहे गीस। ये ठउका करे गीस कि बच्ची सरलग आंगनबाड़ी म आवय अऊ केन्द्र म मिलइया पोषण आहार आदि के लाभ लेवय।
परियोजना जामगांव एम परिक्षेत्र अम्लेश्वर के ग्राम अम्लेश्वर म आंगनबाड़ी केन्द्र नंबर 3 के हितग्राही बालिका कु. धारणी निषाद माता श्रीमती मालती निषाद पिता ईश्वर निषाद हे। जन्म प्रसव पूर्व होए रहिस मने कु. धारणी के जनम सातवां महिना म होए रहिस। जन्म के समय धारणी के वजन मात्र 1.50 ग्राम रहिस। वोखर जन्म के बाद ले पर्यवेक्षक अउ कार्यकर्ता मन घेरी-बेरी घर जाके माता ल सतत् स्तनपान के सलाह दीन जेखर पालन कु. धारणी के माता ह करिस। ये प्रकार छै महिना बाद ओखर वजन 5.5. ग्राम होगे।
कु. धारणी ल सितंबर महिना म मुख्यमंत्री सुपोषण अभियान के तहत् लक्षित कुपोषित लइका मन म सामिल करे गीस। अकटूबर महिना ले रोजेच आंगनबाड़ी केन्द्र म गरम जेवन खवाए जाय लगिस। संगेच चिक्की के पाउडर बनाके ओला पानी म मिलाके पियाए जाय लगिस। परिक्षेत्र के आंगनबाड़ी कार्यकर्ता मन कोति ले निरंतर गृह भेंट करके ओखर माता ल प्रोत्साहित करे गीस। ये प्रकार कु. धारणी रोजेच अपन माता के संग आंगनबाड़ी केन्द्र आए लगिस। नवंबर महिना म ओखर वजन 6.9 ग्राम हो गीस अऊ कु. धारणी समान्य लइका मन के श्रेणी म आ गीस। कु. धारणी के माता अब दृढ संकल्पित हो गए हे कि वो कु. धारणी बर आहार चार्ट बनाके ओला खाना खवाही ताकि कु. धारणी हमेसा सामान्य श्रेणी म रहय।