सुपोषण अभियान रिशिका बर बनिस वरदान

कोरबा, 16 दिसम्बर 2020। मुख्यमंत्री सुपोषण अभियान ह कुपोषित लइका मन बर वरदान साबित होवत हे। सुपोषण अभियान के तहत देहे जात पौष्टिक आहार कमजोर लइका मन के स्वास्थ्य बदले के संगे-संग उलट आर्थिक हालत वाले परिजन मन के जीवन म खुसी तको फैलावत हे। गरीब अऊ कमजोर आर्थिक स्थिति वाले मनखे मन बर अपन लइका मन ल अच्छा अऊ पौष्टिक खाना देना कठिन होथे। अच्छा अऊ पौष्टिक खाना नइ मिले के सेती लइका कम उमरे म कुपोषण के शिकार होके कमजोर हो जाथें। अइसन परिवार के लइका मन बर मुख्यमंत्री सुपोषण अभियान के तहत शासन के महिला अऊ बाल विकास विभाग सरलग सजग अऊ जागरूक होके कुपोषण के खिलाफ लड़त हे। सुपोषण अभियान के तहत कुपोषित लइका मन के पहिचान करके महिला बाल विकास विभाग ह नियमित रूप ले लइका मन ल पौष्टिक आहार के रूप म अंडा अऊ मूंगफली लड्डू प्रदान करत हे। लइका मन के हित म चलाये जात सुपोषण अभियान ले जिला के कई लइका कुपोषण ले मुक्‍त होके सुपोषित हो गए हे।